ପୁଣିଥରେ ଚେନ୍ନାଇ ସୁପରକିଙ୍ଗକୁ ଝଟ୍କା; ଖେଳିବେନି ହରଭଜନ ସିଂ
ନୁଆଦିଲ୍ଲୀ, କିଛି ଦିନ ପରେ ଆଇପିଏଲ ଆରମ୍ଭ ହେବାକୁ ଥିବାବେଳେ, ଚେନ୍ନାଇ ସୁପର କିଙ୍ଗକୁ ଆଉ ଏକ ଝଟ୍କା ଲାଗିଛି । କରୋନା ପାଇଁ କେତେକ ଖେଳାଳି ଆଇପିଏଲ ନଖେଳିବାକୁ ନିଷ୍ପତ୍ତି ନେଉଛନ୍ତି । ସେହିଭଳି ସୁରେଶ ରାଇନାଙ୍କ ପରେ ଏବେ ଭେଟେରାନ ବୋଲର ହରଭଜନ ସିଂ ଆଇପିଏଲ ୧୩ତମ ସିଜନ୍ ଖେଳିବେନାହିଁ ବୋଲି ଜଣାପଡ଼ିଛି । କିଛି ବ୍ୟକ୍ତିଗତ କାରଣ ଦର୍ଶାଇ ସେ ଚଳିତ ବର୍ଷ ନଖେଳିବାକୁ ନିଷ୍ପତ୍ତି ନେଇଛନ୍ତି ବୋଲି ଶୁଣିବାକୁ ମିଳୁଛି । ତେବେ ହରଭଜନଙ୍କ ଅନୁପସ୍ଥିତି ଦଳ ପାଇଁ ସମସ୍ୟାର କାରଣ ହେବବୋଲି ଅନୁମାନ କରାଯାଉଛି ।