ବିଦେଶରେ ନିଜ ଦୋକାନ କର୍ମଚାରୀଙ୍କ ଷଡଯନ୍ତ୍ରରେ ଫସିଲେ ଭାରତୀୟ ଯୁବକ

ହାଇଦ୍ରାବାଦ: ଆମେରିକାରେ ଭାରତୀୟ ଯୁବକଙ୍କୁ ନିର୍ମମ ହତ୍ୟା କରାଯଇଛି ।। ମୃତକ ହାଇଦ୍ରାବାଦର ବାସିନ୍ଦା ଅଟନ୍ତି । ସୂଚନାରୁ ଜଣାପଡିଛି ଯେ, ତାଙ୍କୁ ବାରମ୍ବାର ଛୁରାମାରି କରି ହତ୍ୟା କରାଯାଇଛି। ଘର ସାମ୍ନାରୁ ଯୁବକଙ୍କ ମୃତଦେହ ଉଦ୍ଧାର କରାଯାଇଛି। ମୃତକଙ୍କ ନାଁ ମହମ୍ମଦ ଆଫିଫ୍ ମୋହିଉଦ୍ଦୀନ । ଗତ ୧୦ ବର୍ଷ ହେଲା ଜର୍ଜିୟାରେ ରହୁଥିବା ବେଳେ କିରାଣୀ ଦୋକାନ କରି ନିଜର ଜୀବନଜୀବିକା ନିର୍ବାହ କରୁଥିଲେ।
ମହମ୍ମଦ ଆରିଫଙ୍କ ସ୍ତ୍ରୀ ମେହନାଜ ଫାତିମା କହିଛନ୍ତି ଯେ, “ମୋ ସ୍ୱାମୀଙ୍କ ଅନ୍ତିମ ସଂସ୍କାର କରିବା ପାଇଁ ମୋ ବାପାଙ୍କୁ ଏମରଜେନ୍ସି ଭିସାରେ ଆମେରିକା ଯିବାର ବନ୍ଦୋବସ୍ତ କରାଇବାକୁ ମୁଁ ସରକାରଙ୍କୁ ଅନୁରୋଧ କରିଛି।” ଆରିଫଙ୍କ ମୃତଦେହ ଜର୍ଜିୟାର ଏକ ହସ୍ପିଟାଲରେ ଅଛି।
ସିସିଟିଭି ଫୁଟେଜରୁ ଜଣାପଡିଛି ଯେ, ତାଙ୍କ ନିଜ ଦୋକାନ କର୍ମଚାରୀଙ୍କ ସହ ଏକାଧିକ ଲୋକଙ୍କ ତାଙ୍କୁ ଆକ୍ରମଣ କରିଛନ୍ତି ।