କେଦାରନାଥ ଯାତ୍ର ହେଲା ଶେଷଯାତ୍ରା

ନୂଆଦିଲ୍ଲୀ ୧୮/୧୦, କିଏ ଜାଣିଥିଲା କେଦାରନାଥ ଯାତ୍ରା ହିଁ ଜୀବନର ଶେଷ ଯାତ୍ରା ହେବ ବୋଲି । ତୀର୍ଥଯାତ୍ରୀଙ୍କୁ ନେଇ କେଦାରନାଥ ଯାଉଥିବା ବେଳେ ହଠାତ ଦୁର୍ଘଟଣା ଗ୍ରସ୍ତ ହେଲା ହେଲିକେପ୍ଟର । ଦୁର୍ଘଟଣାରେ ଦୁଇ ପାଇଲଟଙ୍କ ସମେତ ୭ ଜଣଙ୍କର ମୃତ୍ୟୁ ହୋଇଛି । ହେଲିକ୍ୟାପ୍ଟରଟି ଜଳିପୋଡି ଖଣ୍ଡ ବିଖଣ୍ଡିତ ହୋଇପଡିଥିବାର ଭିଡିଓ ସାମ୍ନାକୁ ଆସିଛି । ଘଟଣାସ୍ଥଳରେ ଉଦ୍ଧାରକାରୀ ଦଳ ପହଞ୍ଚିଥିବା ସୂଚନା ମିଳିଛି । ଆରୟନ ବିମାନ ଚଳାଚଳ ସଂସ୍ଥାର ବେଲ-୪୦୭ ହେଲିକ୍ୟାପ୍ଟର ଦୁର୍ଘଟଣାଗସ୍ତ ହୋଇଥିବା ସୂଚନା ମିଳିଛି । ଦୁର୍ଘଟଣାର ପ୍ରକୃତ କାରଣ ଜଣାପଡିନଥିଲେ ବି ଅତ୍ୟଧିକ କୁହୁଡି ଯୋଗୁ ହେଲିକ୍ୟାପ୍ଟରଟି ଦୁର୍ଘଟଣା ଗସ୍ତ ହୋଇଥିବା କୁହାଯାଉଛି ।ହେଲିକ୍ୟାପ୍ଟରଟି ଉତ୍ତରାଖଣ୍ଡ ସବୁଠୁ ବଡ ପର୍ଯ୍ୟଟନ କ୍ଷେତ୍ର କେଦାରନାଥରୁ ୫ ଜଣ ଯାତ୍ରୀଙ୍କୁ ନେଇ ଗୁପ୍ତକାଶୀ ଯାଉଥିବା ବେଳେ ଅଧା ବାଟରେ ଦୁର୍ଘଟଣାଗସ୍ତ ହୋଇଛି ।