ମଶାଣି ଛାତ ଭୁଶୁଡିବା ଘଟଣା, ୩ ଗିରଫ

ନୂଆଦିଲ୍ଲୀ, ୟୁପି ଗାଜିଆବାଦ ସ୍ଥିତ ମୁରାଦନଗରରେ ଶ୍ମଶାନ ଘରର ଛାତ ଭୁଶୁଡି ପଡ଼ିବା ଘଟଣାରେ ତିନି ଜଣଙ୍କୁ ଗିରଫ କରିଛି ପୋଲିସ । ସେମାନେ ହେଲେ ନିହାରିକା ସିଂହ, ଚନ୍ଦ୍ରପାଲ ଏବଂ ସୁପରଭାଇଜର୍ ଆଶିଷ । ପୂର୍ବାସୂଚନା ଅନୁସାରେ ମୁରାଦନଗରର ଶ୍ମଶାନରେ କିଛି ଲୋକ ଜଣେ ବ୍ୟକ୍ତିଙ୍କ ଅନ୍ତିମ ସଂସ୍କାରରେ ଯୋଗ ଦେବାକୁ ଆସିଥିଲେ । ସେଠାରେ ହଠାତ୍ ବର୍ଷା ହୋଇଥିଲା । ଯାହାଦ୍ୱାରା ଶ୍ମଶାନ ଘରର ଛାତ ଭୁଶୁଡି ପଡି ୨୫ ଜଣଙ୍କ ମୃତ୍ୟୁ ହେବା ସହ କିଛି ଲୋକ ଆହତ ହୋଇଥିଲେ । ତେବେ ସୂଚନା ଅନୁଯାୟୀ, ମୃତକଙ୍କ ପରିବାରକୁ ୨ ଲକ୍ଷ ଲେଖାଏଁ ଆର୍ଥିକ ସହାୟତା କରିଛନ୍ତି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ।