ଇସ୍ତଫା ଦେଲେ ମହାରାଷ୍ଟ୍ର ଗୃହମନ୍ତ୍ରୀ ଅନିଲ ଦେଶମୁଖ

ମୁୁମ୍ବାଇ, ଦୀର୍ଘଦିନ ହେବ ବିବାଦରେ ଫସିରହିଥିଲେ ମହାରାଷ୍ଟ୍ର ଗୃହମନ୍ତ୍ରୀ ଅନିଲ ଦେଶମୁଖ । ପୂର୍ବତନ ପୋଲିସ କମିଶନର ପରମବିର ସିଂ ଦେଶମୁଖଙ୍କ ବିରୋଧରେ ୧୦୦ କୋଟିର ବଟି ଆଦାୟ ଅଭିଯୋଗ ଆଣିଥିଲେ । ଏହାକୁ ନେଇ ମହାରାଷ୍ଟ୍ର ରାଜନୀତି ସରଗରମ ହୋଇଥିବାବେଳ ଜାତୀୟ ରାଜନୀତିରେ ମଧ୍ୟ କମ୍ପନ ସୃଷ୍ଟି ହୋଇଥିଲା । ପରମବୀର ସିଂ ସୁପ୍ରିମ କୋର୍ଟଙ୍କ ଦ୍ୱାରସ୍ଥ ହୋଇ ସିବିଆଇଙ୍କ ଦ୍ୱାରା ତଦନ୍ତ୍ କରିବା ପାଇଁ ଅନୁରୋଧ କରିଥିଲେ । ମାତ୍ର ସୁପ୍ରିମ କୋର୍ଟ ପ୍ରଥମେ ପରମବୀର ହାଇକୋର୍ଟ ଯାଆନ୍ତୁ ବୋଲି ନିର୍ଦ୍ଦେଶ ଦେଇଥିଲେ । ଇତିଅବସରରେ ବମ୍ବେ ହାଇକୋର୍ଟ ପରମବୀର ସିଂଙ୍କ ପିଟିସନର ଶୁଣାଣୀ କରିଛନ୍ତି ଏବଂ ଏହି ଘଟଣାର ସିବିଆଇ ତଦନ୍ତ ନିର୍ଦ୍ଦେଶ ମଧ୍ୟ ଦେଇଛନ୍ତି । ନିର୍ଦ୍ଦେଶ ମିଳିବାର କିଛି ଘଣ୍ଟା ପରେ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ଭେଟି ଇସ୍ତଫା ପ୍ରଦାନ କରିଛନ୍ତି ଦେଶମୁଖ ।