ରଜନୀକାନ୍ତଙ୍କୁ ମିଳିବ ଦାଦାସାହେବ ଫାଲକେ ପୁରସ୍କାର

ନୂଆଦିଲ୍ଲୀ, ହିନ୍ଦୀ ସିନେମା ଜଗତର ସବୁଠାରୁ ସମ୍ମାନ ଜନକ ପୁରସ୍କାର ଘୋଷିତ ହୋଇଯାଇଛି । ଏହି ପୁରସ୍କାର ପାଇବେ ସୁପରଷ୍ଟାର ରଜନୀକାନ୍ତ । ୨୦୧୯ ପାଇଁ ରଜନୀକାନ୍ତ ଦାଦାସାହେବ ଫାଲକେ ପୁରସ୍କାର ପାଇବେ । ଏନେଇ ଟ୍ୱିଟ କରି ସୂଚନା ଦେଇଛନ୍ତି କେନ୍ଦ୍ର ସୂଚନା ଏବଂ ପ୍ରସାରଣ ମନ୍ତ୍ରୀ ପ୍ରକାଶ ଜାଭେଦକର । ଜାଭେଦକରଙ୍କ ସୂଚନା ଅନୁସାରେ, ୫ ଜଣିଆ ପ୍ୟାନେଲଙ୍କ ସମ୍ମତି କ୍ରମେ ରଜନୀକାନ୍ତଙ୍କ ନାମ ସୁପାରିଶ କରାଯାଇଛି । ତେବେ ଏହି ପ୍ୟାନେଲରେ ରହିଛନ୍ତି ଆଶା ଭୋଁସଲେ, ସୁଭାଷ ଘାଇ, ମୋହନ ଲାଲ, ଶଙ୍କର ମହାଦେବନ ଏବଂ ବିଶ୍ୱଜିତ ଚାଟାର୍ଜୀ । ଫାଲକେ ପୁରସ୍କାର ପାଇଁ ରଜନୀକାନ୍ତଙ୍କୁ ସ୍ବର୍ଣ୍ଣ କମଳ ଓ ୧୦ ଲକ୍ଷ ଟଙ୍କାର ପୁରସ୍କାର ଦିଆଯାଇ ସମ୍ମାନିତ କରାଯିବ ।