ଆମ ହିନ୍ଦୁ ଧର୍ମରେ ବହୁତ ପୂଜାପାଠ ଏବଂ ବ୍ରତ ହୋଇଥାଏ । ବ୍ରତ କିମ୍ବା କୌଣସି ପୂଜା ଓ ଉପବାସ କଲେ ଦିନ ସାରା ଉପାସ ରେ ରହିବାକୁ ପଡିଥାଏ । ସାରାଦିନ ଉପାସ ରହିବା ସହଜ ହୋଇନଥାଏ । ଦିନସାରା ପାଣି ନପିଇବା ଦ୍ୱାରା ମୁଣ୍ଡ ମୁଲେଇ ହେବା, ଦୁର୍ବଳ ଲାଗିବା, ମୁଣ୍ଡ ବିନ୍ଧା ହୋଇଥାଏ । ତେବେ କିଛି ଲୋକ ଉପାସ ସହଜରେ କରିପାରିଥାନ୍ତି ଏବଂ କିଛି ଲୋକ ନିଜର ଭୋକକୁ ସମ୍ଭାଳି ପାରିନଥାନ୍ତି । ଜାଣନ୍ତୁ କିଛି ଟିପ୍ସ ଯାହାଦ୍ୱାରା ଉପାସରେ ଦୁର୍ବଳ ଅନୁଭବ କରିବେ ନାହିଁ ।
ଉପାସ ସମୟରେ ବେଶି ଭାଗଦୌଡ କରନ୍ତୁ ନାହିଁ । ମହିଳା ମାନେ କାର୍ଯ୍ୟବ୍ୟସ୍ତରେ ଭୁଲିଯାଇଥାନ୍ତି ଯେ, ସେମାନେ ଉପାସ ରଖିଛନ୍ତି ଏବଂ ବହୁତ କାମ କରିଥାନ୍ତି । ଯେଉଁକାରଣରୁ ଅଧିକ ଶୋଷ ଲାଗିଥାଏ ।
ଉପାସ ସମୟରେ ନିଜକୁ ବ୍ୟସ୍ତ ରଖନ୍ତୁ । ଯାହାଦ୍ୱାରା ଶୋଷ କିମ୍ବା ଭୋକ ଲାଗିବ ନାହିଁ । ଘରର କିମ୍ବା ଅଫିସର ଛୋଟ ଛୋଟ କାମ କରି ନିଜକୁ ବ୍ୟସ୍ତ ରଖନ୍ତୁ ଏବଂ ବନ୍ଧୁଙ୍କ ସହ କଥାବାର୍ତ୍ତା କରି ସମୟ ଅତିବାହିତ କରନ୍ତୁ ।
ଉପାସ ସମୟରେ ଅଧିକ ଗରମରେ ରୁହନ୍ତୁ ନାହିଁ ଯେଉଁଠାରେ ଅଧିକ ଝାଳ ବାହାରିବ । ଏପରି କରିବା ଦ୍ୱାରା ଜଲଦୀ ଶୋଷ ଲାଗିଥାଏ ।
ଅଧିକ ଜୋରରେ କୁହନ୍ତୁ ନାହିଁ । ଜଲଦୀ ବା ଜୋରରେ କହିବା ଦ୍ୱାରା ଶକ୍ତି ବେଶି ଖର୍ଚ୍ଚ ହୋଇଥାଏ । ଯାହାଦ୍ୱାରା ଜଲଦୀ ଶୋଷ ଲାଗିଥାଏ ।