ଗ୍ବାଲିୟର, ନୂଆ ରାସ୍ତାରେ ମଇଁଷି ମଳତ୍ୟାଗ କରିବାରୁ ମାଲିକଙ୍କୁ ଏଥି ନିମନ୍ତେ ଦଣ୍ଡ ଗଣିବାକୁ ପଡ଼ିଛି । ଏଭଳି ଏକ ଘଟଣା ଘଟିଛି ମଧ୍ୟପ୍ରଦେଶର ଗ୍ବାଲିୟରରେ । ସୂଚନା ଅନୁସାରେ, ଗ୍ବାଲିୟରରେ ଡି.ବି.ସିଟି ରୋଡ୍ ନିର୍ମାଣ କରାଯାଉଥିଲା । ସେହି ସମୟରେ ରାସ୍ତାରେ ଯାଉଥିବା ମଇଁଷି ମଳତ୍ୟାଗ କରିଥିଲା । ଯେଉଁଥିପାଇଁ ନଗର ନିଗମର କମିଶନର ସନ୍ଦୀପ ମାକିନ୍ ମଇଁଷି ମାଲିକଙ୍କୁ 10,000 ଟଙ୍କା ଜରିମାନା ଦଣ୍ଡାଦେଶ କରିଥିଲେ । ମଇଁଷି ମାଲିକଙ୍କୁ ଯଥାଶୀଘ୍ର ଜରିମାନା ଦାଖଲ କରିବା ପାଇଁ ନିର୍ଦ୍ଦେଶ ଦିଆଯାଇଛି । ଏଣିକି ଆଗକୁ ମଧ୍ୟ ରାସ୍ତା ଅପରିଷ୍କାର କରୁଥିବା ବ୍ୟକ୍ତିଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି ଜେନେରାଲ ଅଧିକାରୀ ସୂଚନା ଦେଇଛନ୍ତି ।