ଗାନ୍ଧୀମାର୍ଗରୁ ଏଏନଏମଙ୍କୁ ଉଠାଇ ନେଲା ପୋଲିସ

ଭୁବନେଶ୍ୱର, ଆଜି ଭୁବନେଶ୍ୱର ସ୍ଥିତ ଗାନ୍ଧୀମାର୍ଗରୁ ଧାରଣାରେ ବସିଥିବା ଏଏନଏମଙ୍କୁ ଉଠାଇ ନେଇଛି ପୋଲିସ । ପ୍ରାୟ ୬୦ଦିନରୁ ଅଧିକ ସମୟ ହେବ ଏମାନେ ଧାରଣାରେ ବସିଥିଲେ । ପୋଲିସ ଉଠାଇ ନେବାବେଳେ ଉଭୟ କର୍ମଚାରୀ ଓ ପୋଲିସଙ୍କ ମଧ୍ୟରେ ଧସ୍ତାଧସ୍ତି ଲାଗିଥିଲା । କର୍ମଚାରୀମାନେ କହିଥିଲେ ଯେ, ଆମେ ସ୍ୱାଧୀନତା ଦିବସକୁ ଆଖିରେ ରଖି ଉଠି ଯାଉଛୁ, କିନ୍ତୁ ଆଗକୁ ପୁଣିଥରେ ଧାରଣାରେ ବସିବୁ । ସରକାର ଯେତେ ପର୍ଯ୍ୟନ୍ତ ଆମ ଦାବି ପୂରଣ କରିନାହାଁନ୍ତି, ସେତେ ପର୍ଯ୍ୟନ୍ତ ଏ ଆନ୍ଦୋଳନ ଜାରି ରହିବ । ସୂଚନାଥାଉକି, କରୋନା ମହାମାରୀ ସମୟରେ ଏହି କର୍ମଚାରୀମାନଙ୍କୁ ବିଭିନ୍ନ ସ୍ୱାସ୍ଥ୍ୟକେନ୍ଦ୍ରମାନଙ୍କରେ ଅସ୍ଥାୟୀ ନିଯୁକ୍ତି ଦିଆଯାଇଥିଲା । କିନ୍ତୁ ଏବେ ରାଜ୍ୟରେ କରୋନା ସଂକ୍ରମଣ ହ୍ରାସ ପାଇବାପରେ ସେମାନଙ୍କୁ ଛଟେଇ କରାଯାଇଛି । ତେଣୁ ସ୍ଥାୟୀ ନିଯୁକ୍ତି ଦାବିରେ ଏମାନେ ନଭେମ୍ବର ୨୮ ତାରିଖରୁ ଗାନ୍ଧୀମାର୍ଗରେ ଧାରଣାରେ ବସିଥିଲେ ।