ବାଲୁଗାଁ, ଆଜିଠାରୁ ଚିଲିକା ହ୍ରଦରେ ପକ୍ଷୀଗଣନା ଆରମ୍ଭ ହୋଇଛି । ପକ୍ଷୀଗଣନା ପାଇଁ ବନ୍ୟପ୍ରାଣୀ ବିଭାଗ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । ଏଥିପାଇଁ ୨୧ଟି ଟିମ୍ ଗଠନ କରାଯାଇଛି ଏବଂ ୧୧୧ କର୍ମଚାରୀ ସାମିଲ ହୋଇଛନ୍ତି । ୫ଟି ରେଞ୍ଜରେ ଗଣନା କାର୍ଯ୍ୟ ଯଥା-ଟାଙ୍ଗି, ବାଲୁଗାଁ, ଚିଲିକା, ସାତପଡ଼ା ଏବଂ ରମ୍ଭାରେ ଜାରି ରହିଛି । ଚିଲିକା ମଙ୍ଗଳାଯୋଡ଼ିରେ ୬ଟି ଟିମ୍ ଗଣନା କରୁଛନ୍ତି । ଏଥିପାଇଁ ବହୁ ସ୍ୱେଚ୍ଛାସେବୀ ସଙ୍ଗଠନ, ବନ୍ୟପ୍ରାଣୀ ବିଭାଗ, ସିଡିଏ କର୍ମଚାରୀ, ଓୟୁଏଟି ଛାତ୍ର ଏଥିରେ ସାମିଲ ରହିଛନ୍ତି ।