ରାଜ୍ୟରେ ମାତିଛନ୍ତି ସାଇବର ଲୁଟେରା, ଏପ୍ରିଲ ମାସରେ 1 କୋଟିରୁ ଉର୍ଦ୍ଧ୍ବ ଲୁଟ

ଭୁବନେଶ୍ବର-06.05.2021,ରାଜ୍ୟରେ ମାତିଛନ୍ତି ସାଇବର ଲୁଟେରା । ରାଜ୍ୟରେ ଗତ ଏପ୍ରିଲ ମାସରେ 1କୋଟି 19 ଲକ୍ଷ ରୁ ଉଦ୍ଧ୍ବ ଟଙ୍କା ଠକେଇ ହୋଇଥିବା ସୂଚନା ରହିଛି । ଲକଡାଉନ ବେଳେ ଅତ୍ୟଧିକ ଅନଲାଇନ ଟଙ୍କା ଦେଣନେଣ ହେଉଥିବାରୁ ଏହା ଫାଇଦା ଉଠାଉଛନ୍ତି ଲୁଟେରା । ଏହା ଭିତରୁ କେବଳ ଭୁବନେଶ୍ବରରେ 74 ଲକ୍ଷ 5 ହଜାର 114 ଟଙ୍କା ରହିଛି । ଲୁଟେରାଙ୍କ ଆକାଉଣ୍ଟ ବ୍ଲକ କରି ମାତ୍ର 5 ଲକ୍ଷ 36 ହଜାର ଟଙ୍କା ସାଇବର ଲୁଟେରାଙ୍କଠୁ ଆଦାୟ କରିବାରେ ସକ୍ଷମ ହୋଇଛି ପୋଲିସ । UPI ମାଧ୍ୟମରେ ସବୁଠୁ ବେଶୀ 156ଟି ଠକେଇ ହୋଇଥିବାବେଳେ କ୍ରେଡିଟ କାର୍ଡ ଜରିଆରେ 80 ଟି ଠକେଇ ହୋଇଛି। ଏନେଇ ସମସ୍ତଙ୍କୁ ସତର୍କ ଓ ସଚେତନ ରହିବାକୁ ଡିସିପି ଉମାଶଙ୍କର ଦାଶ ପରାମର୍ଶ ଦେଇଛନ୍ତି ।