ଗର୍ଭଗୃହରେ ବଢୁଛି ମୂଷାଙ୍କ ଉତ୍ପାତ

ପୁରୀ (ଏଏନଏସ)୧୮/୦୩, ମହାପ୍ରଭୁ ଶ୍ରୀଅଙ୍ଗ ପ୍ରତି ଘନଉଛି ବିପଦ । ଗର୍ଭଗୃହରେ ଅନ୍ଧାରର ସୁଯୋଗ ନେଇ ମୂଷା କରୁଛନ୍ତି ଉତ୍ପାତ । ମୂଷାଙ୍କ ନିରାକରଣ ପାଇଁ ଶ୍ରୀମନ୍ଦିର ପ୍ରଶାସନକୁ ଅତ୍ୟାଧୁନିକ ମୂଷା ଧରା ମେସିନ୍ ଦାନ କରିଛନ୍ତି ଜଣେ ଶ୍ରଦ୍ଧାଳୁ । ପରୀକ୍ଷାମୂଳକ ଭାବେ ଶ୍ରୀମନ୍ଦିର ଭିତରେ ମନ୍ଦିର ପ୍ରଶାସନ କାର୍ଯ୍ୟାଳୟରେ ଲଗାଯାଇଛି । ତେବେ ଏହି ମେସିନ୍ରେ ଏକ ବିପ୍ ଶଦ୍ଦ ବାହାରୁଥିବାରୁ ଠାକୁରଙ୍କ ଶୟନରେ ଏହା ବାଧା ସୃଷ୍ଟି କରିବ ବୋଲି ସେବାୟତ ପ୍ରଶ୍ନ ଉଠାଇଛନ୍ତି । ମହାପ୍ରଭୁଙ୍କ ଶୟନ ସମୟରେ ଜୟ ବିଜୟ ଦ୍ୱାର ଠାରୁ ଗର୍ଭଗୃହ ସମ୍ପୂର୍ଣ୍ଣ ଭାବେ ଅନ୍ଧାର ରହିବା ସହ ପୂରା ପରିବେଶ ନିସ୍ତଦ୍ଧ ରହିବାର ବିଧି ରହିଛି । ତେଣୁ ମେସିନରୁ ଶଦ୍ଧ ବାହାରୁଥିବାରୁ କିଛି ସେବାୟତ ଏହାକୁ ବିରୋଧ କରିଛନ୍ତି ।