ଭୁବନେଶ୍ୱର, ରାଜ୍ୟର ଦୁଇଟି ସ୍ଥାନ ରାୟଗଡା ଏବଂ ବ୍ରହ୍ମପୁରରୁ ବିପୁଳ ପରିମାଣର ଗଞ୍ଜେଇ ଜବତ ହୋଇଛି । ବ୍ରହ୍ପପୁରର ବୈଦନାଥ ଥାନା ଅନ୍ତର୍ଗତ ଲାଞ୍ଜିପଲି ବାଇପାସ୍ରୁ ୧୧ କ୍ବିଣ୍ଟାଲ୍ ଗଞ୍ଜେଇ ଜବତ କରିଛି ବ୍ରହ୍ମପୁର ଅବକାରୀ ବିଭାଗ । ୫୫ ଲକ୍ଷ ଟଙ୍କାର ଗଞ୍ଜେଇ ଜବତ ହୋଇଥିବା ସୂଚନା ରହିଛି । ନଡ଼ିଆ କତା ବୋଝେଇ ଟ୍ରକରେ ଚାଲାଣ ବେଳେ ଗଞ୍ଜେଇ ଜବତ ହୋଇଛି । ୧୧ କ୍ବିଣ୍ଟାଲ ଗଞ୍ଜେଇ ସହ, ଟ୍ରକ୍, କାର୍ ଓ ଭ୍ୟାନ ଜବତ ହୋଇଛି ଏବଂ ୩ ଜଣଙ୍କୁ ଗିରଫ କରାଯାଇଛି ।
ସେହିପରି ରାୟଗଡ଼ା ମୁନିଗଡ଼ାରୁ ଟ୍ରକ୍ ସହ ୨ ଟନ୍ରୁ ଅଧିକ ଗଞ୍ଜେଇ ଜବତ ହୋଇଛି । ଆନ୍ଧ୍ରରୁ କଣ୍ଟାମାଳ ଚାଲାଣ ବେଳେ ଜବତ କରିଛି କ୍ରାଇମବ୍ରାଞ୍ଚ ଏସଟିଏଫ । ଜବତ ଗଞ୍ଜେଇର ଆନୁମାନିକ ମୂଲ୍ୟ କୋଟିଏ ଟଙ୍କାରୁ ଅଧିକ ହୋଇଥିବା ସୂଚନା ରହିଛି । ଘଟଣାସ୍ଥଳରୁ ଟ୍ରକ୍ ଡ୍ରାଇଭର ଓ ହେଲ୍ପର ଫେରାର୍ ହୋଇଯାଇଛନ୍ତି ।
