କାଲିଠାରୁ ଖୋଲିବ ମା’ ତାରିଣୀ ମନ୍ଦିର, ନୂଆ ଗାଇଡଲାଇନ ଜାରି

କେନ୍ଦୁଝର, ଆସନ୍ତା କାଲିଠାରୁ ସକାଳ ୮ଟାରୁ ଖୋଲିବ କେନ୍ଦୁଝର ଜିଲ୍ଲା ଅଧିଷ୍ଠାତ୍ରୀ ଦେବୀ ମା’ ତାରିଣୀଙ୍କ ମନ୍ଦିର । କୋଭିଡ ଗାଇଡଲାଇନ ଅନୁସାରେ ମନ୍ଦିର ଖୋଲାଯିବ । ମନ୍ଦିର ଖୋଲିବା ଲାଗି ସମସ୍ତ ପ୍ରସ୍ତୁତି ସରିଛି । ତେବେ କରୋନା  କଟକଣାକୁ ଦୃଷ୍ଟିରେ ରଖି ମନ୍ଦିର ଖୋଲିବା ପରେ ଶ୍ରଦ୍ଧାଳୁଙ୍କ ଦର୍ଶନ ପାଇଁ ନୂଆ ନିୟମ ଜାରି ହୋଇଛି। ଏନେଇ ମନ୍ଦିର ପ୍ରଶାସନ ପକ୍ଷରୁ ନୂଆ ଗାଇଡଲାଇନ ଜାରି କରାଯାଇଛି ।
ମନ୍ଦରିରେ ଦେବୀଙ୍କ ଦର୍ଶନ ପାଇଁ ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଛି । ଭକ୍ତମାନଙ୍କ ଦର୍ଶନ ପାଇଁ ବ୍ୟାରିକେଡର ବ୍ୟବସ୍ଥା କରାଯାଇଛି । ମନ୍ଦିରରେ ନଡ଼ିଆ ଓ ଅନ୍ୟାନ୍ୟ ଭୋଗ ପୂଜାକୁ ବାରଣ କରାଯାଇଛି । ମନ୍ଦିର ବେଢ଼ାରେ ଏକା ସମୟରେ ୨୫ରୁ ୩୦ ଜଣଙ୍କ ପ୍ରବେଶ ପାଇଁ ବ୍ୟବସ୍ଥା କରାଯାଇଛି । ତେବେ ମନ୍ଦିରରେ ୧୦ ବର୍ଷରୁ କମ ନାବାଳକଙ୍କ ପ୍ରବେଶ ନିଷେଧ କରାଯାଇଛି । ପ୍ରଥମ ଦିନ ସକାଳ ୮ଟାରୁ ୯ଟା ପର୍ଯ୍ୟନ୍ତ ମା’ଙ୍କ ପ୍ରଥମ ପୂଜକ ଓ ସେବାୟତ ପରିବାରଙ୍କୁ ଦର୍ଶନ ପାଇଁ ସୁଯୋଗ ଦିଆଯିବ।