ବିପୁଳ ପରିମାଣର ଦେଶୀ ମଦ ଜବତ, ୧ ଗିରଫ

ସୋର-୧୪.୦୫.୨୦୨୧ , କରୋନା ସଂକ୍ରମଣ ବ୍ୟାପକ ହେବା ପରେ ରାଜ୍ୟରେ ଲକଡାଉନ ଲାଗୁ ହୋଇଛି । ଲକଡାଉନ ସମୟରେ ଦେଶୀମଦ ଚୋରା ଚାଲାଣ କାରବାର ବୃଦ୍ଧି ପାଇବାରେ ଲାଗିଛି । ଏନେଇ ୩ ହଜାର ଲିଟର ଦେଶୀ ମଦ ଜବତ ହୋଇଛି । ଏକ ପିକ୍ ଅପ୍ ଭ୍ୟାନରେ ଚୋରା ଚାଲାଣ ହେଉଥିବାବେଳେ ସିମୁଳିଆ ଥାନା ଅନ୍ତର୍ଗତ ଭଗିଆ ପୋଲ ନିକଟରେ ଅବକାରୀ ବିଭାଗ ଚଢ଼ଉ କରି ମଦ ଜବତ କରିଛି । ଏହା ସହ ଜଣକୁ ଗିରଫ କରିଛି ପୋଲିସ । ଅବକାରୀ ବିଭାଗର ସୂଚନା ଅନୁସାରେ ଜବତ ମଦର ମୂଲ୍ୟ ପ୍ରାୟ ୩ ଲକ୍ଷ ଟଙ୍କାରୁ ଉର୍ଦ୍ଧ୍ବ ବୋଲି ଜଣାପଡିଛି ।