୧୧ରେ ଖୋଲିବ ବୈଷୟିକ ବିଶ୍ୱବିଦ୍ୟାଳୟ
ଭୁବନେଶ୍ୱର, ରାଜ୍ୟରେ ଥିବା ସମସ୍ତ ବୈଷୟିକ ବିଶ୍ୱବିଦ୍ୟାଳୟ, ଇଞ୍ଜିନିୟରିଙ୍ଗ୍ ଓ ବୃତ୍ତିଗତ ମହାବିଦ୍ୟାଳୟ ଏବଂ ଡିପ୍ଲୋମା/ପୋଷ୍ଟ୍ ଡିପ୍ଲୋମା ପ୍ରତିଷ୍ଠାନଗୁଡ଼ିକୁ ଜାନୁଆରି ୧୧ ତାରିଖରୁ ଖୋଲିବାକୁ ନିଷ୍ପତ୍ତି ନେଇଛନ୍ତି ରାଜ୍ୟ ସରକାର । ଦକ୍ଷତା ବିକାଶ ଏବଂ ବୈଷୟିକ ଶିକ୍ଷା ବିଭାଗ ପ୍ରଶାସନ ଅଧୀନରେ ଥିବା ଏହି ସବୁ ପ୍ରତିଷ୍ଠାନଗୁଡ଼ିକ ୧୧ ଜାନୁଆରିରୁ ପିଜି, ୟୁଜି ଓ ଡିପ୍ଲୋମା କରୁଥିବା ଶେଷବର୍ଷ ଶିକ୍ଷାର୍ଥୀଙ୍କ ପାଇଁ କ୍ଲାସ୍ରୁମ୍ରେ ଶିକ୍ଷାଦାନ ଆରମ୍ଭ କରାଯିବ। ଏଥିନିମନ୍ତେ ସରକାର ଏସ୍ଓପି ମଧ୍ୟ ଜାରି କରିଛନ୍ତି।