ରଣପୁର(ସୁଶାନ୍ତ କୁମାର ଡାକୁଆ), ନୟାଗଡ ଜ଼ିଲ୍ଲା ରଣପୁରରେ ସରକାରଙ୍କ କୋରୋନା କଟକଣା ମଧ୍ୟ୍ୟରେ ପାଳିତ ହୋଇଯାଇଛି ରଣପୁରର ପ୍ରସିଦ୍ଧ ପଞ୍ଚୁଦୋଳ ଯାତ୍ରା l ଗତକାଲି ବିଳମ୍ବିତ ରାତିରେ ରଣପୁରର ଅଧୀଷ୍ଠାତ୍ରୀ ଦେବୀ ମା ମଣିନାଗ ମନ୍ଦିରରୁ ଶୋଭାଯାତ୍ରା ବାହାରି ଦୋଳ ପଡିଆରେ ଆସ୍ଥାନ ଗ୍ରହଣ କରିଥିଲେ l ଏହା ପରେ ପରେ ବାବା ସ୍ୱପ୍ନେଶ୍ୱର ଦେବ ଦୋଳମଣ୍ଡପରେ ପହଞ୍ଚିଥିଲେ l ପରେ ରଣପୁର ଓ ଆଖ ପାଖ ଅଂଚଳରୁ ୧୦୮ ଠାକୁର ଦୋଳ ବିମାନରେ ଆସି ଦୋଳ ମଣ୍ଡପରେ ଆସ୍ଥାନ ଗ୍ରହଣ କରିଥିଲେ l ଏଥିପାଇଁ ରଣପୁର ଏନ୍ ଏ ସି ପକ୍ଷରୁ ଵ୍ୟାପକ ସୁରକ୍ଷା ବ୍ୟବସ୍ଥା ସହ କୋଭିଡ କଟକଣା ଜାରିକରାଯାଇଛି l ପ୍ରତି ବର୍ଷ ପଞ୍ଚୁଦୋଳ ଯାତ୍ରା ଦେଖିବାକୁ ହଜାର ହଜାର ସଂଖ୍ୟକ ଭକ୍ତ ମାନଙ୍କର ସମାଗାମ ହେଉଥିବାବେଳେ ଚଳିତ ବର୍ଷ କରୋନା କଟକଣା ପାଇଁ ଭକ୍ତ ମାନଙ୍କର ସମାଗମ କମିଛି l ଭକ୍ତ ମାନେ,ସାନିଟାଈଜ଼ର, ମାସ୍କ ପରିଧାନ କରିବା ଓ ସାମାଜିକ ଦୂରତା ବଜାଇ ରଖି ଠାକୁର ଦର୍ଶନ କରିବାକୁ ସ୍ଥାନୀୟ ପ୍ରଶାସନ ପକ୍ଷରୁ ନିର୍ଦେଶ ଦିଆଯାଇଛି l ଦୋଳ ପଡିଆକୁ ସଂପୂର୍ଣ ଭାବେ ବ୍ୟାରିକେଡ୍ କରାଯିବା ସହ ସୁରକ୍ଷା କୁ ଆଖି ଆଗରେ ରଖି ବ୍ୟାପକ ପୋଲିସ ମୁତୟନ କରାଯାଇଛି l ଆଜି ଦିନ ତମାମ୍ ଦୋଳ ବେଦୀରେ ଠାକୁର ମାନେ ଉପବେଶନ କରିବେ l ସଂଧ୍ୟ୍ୟାରେ ପୂଜାର୍ଚନା ପରେ ସମସ୍ତ ଦୋଳ ବିମାନ ଗୁଡିକରେ ଠାକୁର ମାନେ ନିଜ ନିଜ ମନ୍ଦିରକୁ ପ୍ରତ୍ୟାବର୍ତନ କରିବେ ପଞ୍ଚୁଦୋଳ କମିଟି ପକ୍ଷରୁ ସୂଚନା ଦିଆଯାଛି