ପୁଅକୁ ଖୁଣ୍ଟିରେ ବାନ୍ଧି ଜାଳିଦେଲା ଜନ୍ମକଲା ମା’

ଭୁବନେଶ୍ୱର, ନିଜ ଜନ୍ମକଲା ମା’ ତା ପୁଅକୁ ଖୁଣ୍ଟିରେ ବାନ୍ଧି ଜାଳି ଦେଇଛି । ଏଭଳି ଜଘନ୍ୟ କାଣ୍ଟ ଘଟିଛି ଅନୁଗୁଳ ଜିଲ୍ଲା ହଣ୍ଡପା ଥାନା ନିକଟରେ ଥିବା ଏକ ଗାଁରେ । ନିଶାଖୋର ପୁଅର ନିର୍ଯାତନ ସହି ନପାରି ମା’ଏଭଳି କାଣ୍ଡ ଭିଆଇ ଥିବା ସୂଚନା ମିଳିଛି । ଆଶ୍ଚର୍ଯ୍ୟକର କଥାଯେ, ଏହି ଘଟଣାରେ ମୃତକଙ୍କ ବଡ଼ ଭାଇ ଓ ଭଉଣୀ ମଧ୍ୟ ସାମିଲ ଥିଲେ । ପୋଲିସ ୩ ଅଭିଯୁକ୍ତଙ୍କୁ ଗିରଫ କରିଛି । ସୂଚନାଥାଉକି, ମୃତକ ଜଣଙ୍କ ପ୍ରତିଦିନ ନିଶା ସେବନ କରି ଘରେ ମାରପିଟ୍ କରନ୍ତି । ସବୁଦିନ ଭଳି ଗତକାଲି ମଧ୍ୟ ନିଜ ଭଉଣୀ ଉପରେ ଅତ୍ୟାଚାର କରିଥିଲେ । ଏହାକୁ ସହ୍ୟ କରିନପାରି ପରିବାରର ସମସ୍ତ ସଦସ୍ୟ ଏକାଠି ହୋଇ ଖୁଣ୍ଟିରେ ବାନ୍ଧି ପେଟ୍ରୋଲ ଢ଼ାଳି ଜାଳି ଦେଇଥିଲେ ।