ଗଜପତି, ଓଡିଶାର ପ୍ରସିଦ୍ଧ ପର୍ବମାନଙ୍କ ମଧ୍ୟରୁ ମକରସଂକ୍ରାନ୍ତି ପର୍ବ ହେଉଛି ଅନ୍ୟତମ । ରାଜ୍ୟର ବିଭିନ୍ନ ସ୍ଥାନରେ ମକରସଂକ୍ରାନ୍ତି ପର୍ବକୁ ଖୁବ ଧୁମଧାମର ସହ ପାଳନ କରାଯାଇଥାଏ । କିନ୍ତୁ ଚଳିତ ବର୍ଷ କରୋନା କଟକଣା ପାଇଁ ଫିକାପଡିବ ମକରସଂକ୍ରାନ୍ତି ପର୍ବ । ଗଜପତି ଜିଲ୍ଲା ଗୋଷାଣୀ ବ୍ଲକ ଅନ୍ତର୍ଗତ ଗାରବନ୍ଧ ଗ୍ରାମ ନିକଟରେ ଥିବା ଶୀତପଥର ପାହାଡ ଉପରେ ପ୍ରତି ବର୍ଷ ପାଳିତ ହେଊଥିବା ପ୍ରସିଦ୍ଧ ମକର ସଂକ୍ରାନ୍ତିକୁ ଚଳିତ ବର୍ଷ ବନ୍ଦ କରି ଦିଆଯାଇଛି । ଏନେଇ ଘୋଷଣା କରିଛି ଜିଲ୍ଲା ପ୍ରଶାସନ। ସୂଚନା ଅନୁସାରେ ଶୀତ ପାହାଡ ପଥର ଉପରେ ପ୍ରତିବର୍ଷ ବହୁତ ଧୁମଧାମରେ ମକର ଯାତ୍ରା ଅନୁଷ୍ଠିତ ହୋଇଥାଏ । ବହୁ ଶ୍ରଦ୍ଧାଳୁ ପାହାଡ ଚଢ଼ି ଏହି ଯାତ୍ରାରେ ସାମିଲ ହୋଇଥାନ୍ତି । କିନ୍ତୁ ବର୍ତ୍ତମାନର କରୋନା ପରିସ୍ଥିତିକୁ ଲକ୍ଷ୍ୟ କରି ଚଳିତ ବର୍ଷ ଜିଲ୍ଳା ପ୍ରଶାସନ ଏହି ଯାତ୍ରା ବନ୍ଦ କରିଛି।