ଆଜିଠୁ ଖୋଲିଲା ରାଜ୍ୟର ସମସ୍ତ କଲେଜ ଓ ବିଶ୍ୱବିଦ୍ୟାଳୟ

ଭୁବନେଶ୍ୱର, ଦୀର୍ଘ ଦିନର ବ୍ୟବଧାନ ପରେ ରାଜ୍ୟରେ ଆଜିଠୁ ଖୋଲିଛି ସମସ୍ତ କଲେଜ ଓ ବିଶ୍ୱବିଦ୍ୟାଳୟ । ସରକାରଙ୍କର ସମସ୍ତ କୋଭିଡ଼ ଗାଇଡ଼ଲାଇନକୁ କଡ଼ାକଡ଼ି ଭାବରେ ପାଳନ କରାଯାଉଛି । କଲେଜ ପରିସରକୁ ବାରମ୍ବାର ସାନିଟାଇଜ କରାଯାଉଛି । ତେବେ ଛାତ୍ରଛାତ୍ରୀମାନଙ୍କ ପାଠପଢ଼ା ନିମନ୍ତେ ଦୁଇଟି ସେକ୍ସନ କରାଯାଇଛି । କ୍ଲାସ ରୁମରେ ଗୋଟିଏ ବେଞ୍ଚରେ ଦୁଇ ଜଣ ଛାତ୍ରଛାତ୍ରୀ ବସିବାକୁ ଅନୁମତି ଦିଆଯାଇଛି । କଲେଜ ପରିସରକୁ ଯେଉଁମାନେ ପ୍ରବେଶ କରିବେ ସେମାନଙ୍କର ଥର୍ମାଲ ସ୍କ୍ରିନିଂ କରାଯିବ ଏବଂ ସମସ୍ତେ ସାମାଜିକ ଦୂରତା ରକ୍ଷା କରିବେ । ରାଜ୍ୟରେ କରୋନା ସଂକ୍ରମଣ ହ୍ରାସ ପାଉଥିବାରୁ କଲେଜ ଓ ବିଶ୍ୱବିଦ୍ୟାଳୟ ଖୋଲିବାକୁ ନିଷ୍ପତ୍ତି ନେଇଥିଲେ ସରକାର ।