ଭୁବନେଶ୍ୱର, ରାଜ୍ୟରେ କରୋନା ସଂକ୍ରମଣ ନେଇ ଆଜି ଦିନ ୧୨ ଟାରେ ରାଜ୍ୟବାସୀଙ୍କୁ ସମ୍ବୋଦନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ରାଜ୍ୟକୁ କରୋନା ମୁକ୍ତ କରିବା ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟବାସୀଙ୍କୁ ବାର୍ତ୍ତା ଦେଇଛନ୍ତି । ଏନେଇ ସତର୍କ ରହିବାକୁ କହିଛନ୍ତି ମୁଖ୍ୟମନ୍ତ୍ରୀ । ସେ ଆହୁରି ମଧ୍ୟ କହିଛନ୍ତି ଯେ, ‘ସତର୍କ ରହିଲେ ଲକଡାଉନର ସ୍ଥିତି ଆସିବ ନାହିଁ । କରୋନାରେ ଜିରୋ ସଂକ୍ରମଣ ଆମର ଲକ୍ଷ୍ୟ । ରାଜ୍ୟବାସୀଙ୍କ ତ୍ୟାଗ ଓ ସହଯୋଗରୁ କରୋନା ସ୍ୱାଭାବିକ ହୋଇପାରିଛି । ବର୍ତ୍ତମାନ ଦୈନିକ ସଂକ୍ରମଣ ଶହେ ତଳେ ରହୁଛି ।’
ତେବେ ବିଶ୍ୱ ସ୍ୱାସ୍ଥ୍ୟ ସଂଗଠନ କରୋନାରେ ଓଡିଶାର ପଦକ୍ଷେପକୁ ପ୍ରଶଂସା କରିଛି ବୋଲି ମଧ୍ୟ ମୁଖ୍ୟମନ୍ତ୍ରୀ ନିଜ ଅଭିଭାଷଣରେ କହିଛନ୍ତି ।
ମୁଖ୍ୟମନ୍ତ୍ରୀ ନିଜ ଅଭିଭାଷଣରେ ଆହୁରି ମଧ୍ୟ କହିଛନ୍ତି ଯେ, କରୋନା ପାଇଁ ସାମାଜିକ ଜୀବନ,ଅର୍ଥନୀତି ଓ ପିଲାଙ୍କ ପାଠପଢ଼ା ବେଶ ମାତ୍ରାରେ ପ୍ରଭାବିତ ହୋଇଛି । ବିପଦ ଏବେ ମଧ୍ୟ ଟଳି ନାହିଁ ତେଣୁ ଅନାବଶ୍ୟକ ଭାବେ ବାହାରେ ବୁଲାବୁଲି କରନ୍ତୁ ନାହିଁ । ରାଜ୍ୟରେ କରୋନା ଟିକାକରଣ ସଫଳ ଭାବେ ଚାଲିଛି ।