ଗୋଆରେ ନିର୍ମାଣ ହେବ ମାରାଡୋନାଙ୍କ ମୂର୍ତ୍ତି, ଘୋଷଣା କଲେ ସରକାର

ଫୁଟବଲ କିମ୍ବଦନ୍ତୀ ଡିଏଗୋ ମାରାଡୋନାଙ୍କ ୬୦ ବର୍ଷ ବୟସରେ ଦେହାନ୍ତ ହୋଇଛି । ଫୁଟବଲ ଖେଳରେ ସେ ଥିଲେ ଏକ କିମ୍ବଦନ୍ତୀ । ତାଙ୍କ ସ୍ମୃତିକୁ ସର୍ବଦା ମନେ ରଖିବା ପାଇଁ ଏକ ବିଶାଳ ପ୍ରତିମୂର୍ତ୍ତି ତିଆରି କରାଯିବ ବୋଲି ଘୋଷଣା କରିଛନ୍ତି ଗୋଆ ସରକାର । ଆସନ୍ତା ବର୍ଷ ମୂର୍ତ୍ତି ସ୍ଥାପନ ପାଇଁ ଯୋଜନା କରିଛନ୍ତି ସରକାର । ଏହି ପ୍ରତିମାର ଓଜନ ୩୫୦ କିଲୋଗ୍ରାମ ହୋଇଥିବା ବେଳେ ଫୁଟବଲ ଦର୍ଶକଙ୍କୁ ଉତ୍ସାହିତ କରିବା ପାଇଁ ଏଭଳି ନିଷ୍ପତ୍ତି ନିଆଯାଇଛି । ୨୦୧୮ ରେ ମାରାଡେନଙ୍କ ମୂର୍ତ୍ତି ତିଆରି କରାଯିବା ନେଇ ଘୋଷଣା କରିଥିଲେ ବିଧାୟକ ମାଇକେଲ ଲୋବୋ । ପୂର୍ବରୁ ମାରାଡେନଙ୍କ ପ୍ରତିମୂର୍ତ୍ତି ମହାରାଷ୍ଟ୍ରର ଜଣେ କଳାକାର ନିର୍ମାଣ ତିଆରି କରୁଥିବା ସୂଚନା ମିଳିଛି ।