ସିରିଜରୁ ବାଦ୍ ପଡ଼ିଲେ କେ.ଏଲ୍ ରାହୁଲ

ନୂଆଦିଲ୍ଲୀ: ଅଭ୍ୟାସ ବେଳେ ଆହତ ହୋଇଥିବା ଯୋଗୁ ଅଷ୍ଟ୍ରେଲିଆ ବିପକ୍ଷ ଟେଷ୍ଟ ସିରିଜରୁ ବାଦ୍ ପଡ଼ିଲେ କେ.ଏଲ. ରାହୁଲ । ଏନେଇ ବିସିସିଆଇ ଏହାର ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରୁ ଟ୍ୱିଟ୍ କରି ସୂଚନା ଦେଇଛି । ବିସିସିଆଇ ସଚିବ ଜୟ ଶାହା ଏକ ପ୍ରେସ ବିବୃତ୍ତିରେ କହିଛନ୍ତି ଯେ ଶନିବାର ଏମସିଜିରେ ଟିମ୍ ଇଣ୍ଡିଆର ଅଭ୍ୟାସ ସମୟରେ ବ୍ୟାଟିଂ କରୁଥିବା ବେଳେ କେ.ଏଲ୍ ରାହୁଲଙ୍କ ବାମ ହାତ ସ୍ପ୍ରେନ ହୋଇଥିଲା । ଯାହାଫଳରେ ବର୍ଡ଼ର-ଗାଭାସ୍କର ଟ୍ରଫିର ଅବଶିଷ୍ଟ ଦୁଇଟି ମ୍ୟାଚରେ କେ ଏଲ ରାହୁଲ ଅଂଶ ଗ୍ରହଣ କରିପାରିବେ ନାହିଁ । ସେ ସଂପୂର୍ଣ୍ଣ ଭାବେ ସୁସ୍ଥ ହେବା ଓ ପୂରା ଫିଟ ହେବା ପାଇଁ ତାଙ୍କୁ ପ୍ରାୟ ତିନି ସପ୍ତାହ ସମୟ ଆବଶ୍ୟକ । ବର୍ତ୍ତମାନ ସେ ଭାରତକୁ ଫେରି ନିଜ ଆଘାତର ଚିକିତ୍ସା ପାଇଁ ସିଧାସଳଖ ବାଙ୍ଗାଲୋରର ନ୍ୟାସନାଲ କ୍ରିକେଟ୍ ଏକାଡେମୀକୁ ଯିବେ ।