ଦିଲ୍ଳୀର ସିତାରାମପୁରରେ ନିଜ ପରିବାର ସହ ରହୁଥିବା ୧୫ ବର୍ଷୀୟ ଯୁବକ ନିଜ ୬୫ ବର୍ଷୀୟ ଜେଜେଙ୍କ ବ୍ୟାଙ୍କ ଆକାଉଣ୍ଟ ରୁ ୨.୩୪ ଲକ୍ଷ ଟଙ୍କା ଟ୍ରାନସଫର୍ କରି ପବ୍ଜି ଖେଳିଥିଲେ । ଏକ ସୂତ୍ରରୁ ଜଣା ପଡିଛି ଯେ, ଏହି ମାମଲା ମେ ମାସରେ ସାମନାକୁ ଆସିଥିଲା । ଦୀର୍ଘ ଦୁଇ ମାସ ପରେ ବ୍ୟକ୍ତି ଜଣକ ଏହି ବିଷୟରେ ଜାଣିବାକୁ ପାଇଥିଲେ । ପରେ ସେ ସିତାରାମପୁର ପୁଲିସ୍ ଥାନାରେ ଅଭିଯୋଗ କରିଥିଲେ ଏବଂ ଏହାକୁ ଉତ୍ତରୀ ଜିଲ୍ଲାର ସାଇବରସେଲ୍କୁ ସ୍ଥାନାନ୍ତର କରାଯାଇଥିଲା ।
ଯାହାଦ୍ୱାରା ଜଣାଗଲା ଯେ, ସରକାରଙ୍କ ଦ୍ୱାରା ବ୍ୟାନ କରାଯାଇଥିବା ପବ୍ଜି ଗେମ୍ରେ ଏସ୍ ର୍ୟାଙ୍କ ପାଇବା ପାଇଁ ବାଳକ ଜଣକ ନିଜ ଜେଜେଙ୍କ ଆକାଉଣ୍ଟରୁ ୨.୩୪ ଲକ୍ଷ ଟଙ୍କା ପେଟିଏମ୍ ଦ୍ୱାରା ସ୍ଥାନାନ୍ତରଣ କରିଥିଲେ । ପୁଲିସ୍ କିଛି ପଦକ୍ଷେପ ନେଇନଥିଲା, କାରଣ ନିଜ ନାତୀ ଦ୍ୱାରା ଏହି ସବୁ ହୋଇଥିବା ଜାଣି ଜେଜେ ତାଙ୍କ ଅଭିଯୋଗକୁ ଫେରସ୍ତ ନେଇଯାଇଥିଲେ ।
