ବଲିଉଡ୍‌ର ଚର୍ଚ୍ଚିତ ଅଭିନେତ୍ରୀ ପ୍ରିୟଙ୍କା ଚୋପ୍ରା ନିଜ ପିଲା ବେଳଠାରୁ ମିସ୍ ୱାଲ୍‌ଡ ହେବା ପର୍ଯ୍ୟନ୍ତ ଯାତ୍ରାକୁ ମନେ ପକାଇ ନିଜର ଫଟୋ ଓ ଭିଡିଓ ସୋସିଆଲ ମିଡିଆରେ ସେୟାର କରିଛନ୍ତି । ବଲିଉଡରୁ ହଲିଉଡ ପର୍ଯ୍ୟନ୍ତ ନିଜର ପରିଚୟ ସୃଷ୍ଟି କରିପାରିଛନ୍ତି ପ୍ରିୟଙ୍କା । ସେ ତାଙ୍କର କାମରେ ସମସ୍ତଙ୍କ ହୃଦୟ ଜିଣି ପାରିଛନ୍ତି । ପ୍ରିୟଙ୍କାଙ୍କ ବାୟୋଗ୍ରାଫି ବହୁତ ଜଲ୍‌ଦୀ ହେବ ବୋଲି ଶୁଣିବାକୁ ମିଳୁଛି ।

ପ୍ରିୟଙ୍କା ସୋସିଆଲ ମିଡିଆରେ ଏକ ବ୍ଳଗ୍ ପୋଷ୍ଟ କରି ସେଥିରେ କ୍ୟାପସନ୍ ଦେଇଛନ୍ତି ଯେ, ଜଲ୍‌ଦ ହି କୁଛ ଆନେୱାଲା ହେ । ଅର୍ଥାତ ଜଲଦୀ କିଛି ଆସିବାକୁ ଯାଉଛି । ବରେଲିରେ ରହିବା ଦିନଠାରୁ ମିସ୍ ୱାଲ୍ଡ ହେବା ପର୍ଯ୍ୟନ୍ତ ସମସ୍ତ ଭିଡିଓକୁ ସୋସିଆଲ ମିଡିଆରେ ପୋଷ୍ଟ କରିଛନ୍ତି ପ୍ରିୟଙ୍କା କିଛି ସମୟ ପୂର୍ବରୁ ପ୍ରିୟଙ୍କା ନିଜ ବାୟୋଗ୍ରାଫିର କଭର ଫଟୋ ସେୟାର କରିଥିଲେ । ତା ସହିତ ଏକ ଶବ୍ଦ ଲେଖିଥିଲେ ‘ଖତମ୍‌’ ।