ଶରୀରରେ ପୋଷକ ତତ୍ତ୍ୱର ଅଭାବକୁ ପୁରା କରିବା ପାଇଁ କ୍ଷୀର ମୁଖ୍ୟ ଭୂମିକା ଗ୍ରହଣ କରିଥାଏ । କ୍ଷୀର ଶରୀର ସହ ଦାନ୍ତ ପାଇଁ ହିତକର ବୋଲି କୁହାଯାଏ । କ୍ଷୀରରେ ପ୍ରୋଟିନ, କ୍ୟାଲସିୟମ, ଭିଟାମିନ, A, B1. B2, B12. D, ପୋଟାସିୟମ, ମ୍ୟାଗ୍ନେସିୟମ ସହ ଏପରି କିଛି ଉପାଦାନ ମିଳେ ଯାହା ଶରୀରର ହାଡକୁ ମଜଭୁତ କରିବା ସହ ହଜମ କ୍ରିୟାକୁ ଠିକ୍ ରଖିଥାଏ । ଆୟୁର୍ବେଦରେ ଏପରି କିଛି ଖାଦ୍ୟର ବର୍ଣ୍ଣନା କରାଯାଇଛି ଯାହା କ୍ଷୀର ସହ ବିଲକୁଲ ଖାଇବା ଉଚିତ୍ ନୁହେଁ । ଯଦି ଆପଣ କ୍ଷୀର ସହ ଏହି ସବୁ ଜିନିଷ ଖାଆନ୍ତି ତେବେ ଚର୍ମରେ ଦାଗ ପଡିବାର ସମ୍ଭାବନା ରହିଥାଏ ।
କ୍ଷୀର ସହ ଲୁଣ : କିଛି ଲୋକଙ୍କ ଖରାପ ଅଭ୍ୟାସ ରହିଛି ଯେ, କ୍ଷୀରରେ ତିଆରି ହୋଇଥିବା ଚା ସହ ନମକିନ ଜିନିଷ ଖାଇଥାନ୍ତି । କହିରଖୁଛୁ ଯେ, ଏହା ଦ୍ୱାରା ସ୍କିନରେ ଧଳା ଦାଗ ସୃଷ୍ଟି କରିପାରେ ।
କ୍ଷୀର ସହ ରାଇତା : ଦୁଇଟା ଯାକ ବିଳକୁଲ ଏକା ସଙ୍ଗରେ ଖାଇବା ଉଚିତ୍ ନୁହେଁ । ଏହା ସ୍ୱାସ୍ଥ୍ୟ ପକ୍ଷେ ଅହିତକର ।
କ୍ଷୀର ସହ ଖଟା ଲାଗୁଥିବା ଫଳ: କିଛି ଲୋକଙ୍କୁ ମିଲ୍କ ସେକ ବହୁତ ପସନ୍ଦ ହୋଇଥାଏ । ଏଥି ପାଇଁ କ୍ଷୀରରେ ବିଭିନ୍ନ ପ୍ରକାର ଖଟା ଫଳ ପକାଇ ତିଆରି କରାଯାଇଥାଏ । କିନ୍ତୁ ଏହାକୁ ସେବନ କରିବା ଦ୍ୱାରା ଏହା ପାଚନକ୍ରିୟାରେ ଖରାପ ପ୍ରଭାବ ପକାଇଥାଏ ।
କ୍ଷୀର ସହ ତରଭୁଜ : ତରଭୁଜ ଖାଇବା ସ୍ୱାସ୍ଥ୍ୟ ପାଇଁ ଭଲ ହୋଇଥାଏ କିନ୍ତୁ ଏହାକୁ କ୍ଷୀର ସହ ଖାଇବା ଦ୍ୱାରା ଏହା ରିଆକସନ କରିଥାଏ ।