ପୁଣିଥରେ କଟକରୁ ଠାବ ନକଲି ସାମଗ୍ରୀ: ଏବେ ନଜରରେ ଚା’ପତି

କଟକ, ଗତ କିଛି ମାସ ହେବ ନିୟମିତଭାବେ କଟକରୁ ନକଲି ସାମଗ୍ରୀ ଠାବ କରାଯାଉଛି । କେତେବେଳେ ଘିଅ ତ ଆଉକେତେବେଳେ ମସଲା ଓ ପନିର । ଏବେ ଚା’ପତିର ପାଳି । କଟକରୁ ନକଲି ଚା’ପତି କାରଖାନା ଠାବ କରିଛି ପୋଲିସ । କଟକ ଜିଲ୍ଲା ମୁକାମ୍ବେଶ୍ୱର ଗାଁରେ ନକଲି ଚା’ପତି କାରଖାନା ଥିବା ଖବର ପାଇ ପୋଲିସ ସେଠାରେ ଚଢ଼ାଉ କରିଥିଲା । ପରେ ସେଠାରୁ ବିପୁଳ ପରିମାଣରେ ଅପମିଶ୍ରିତ ଚା’ପତି ଜବତ କରାଯାଇଛି । ବିଭିନ୍ନ ନାମିଦାମୀ ବ୍ରାଣ୍ଡର ଷ୍ଟିକର ଲଗାଇ ଲୋକଙ୍କୁ ଭୁଆଁ ବୁଲାଉଥିଲେ ବ୍ୟବସାୟୀ । ଏହି ମାମଲାରେ ଜଣଙ୍କୁ ଅଟକ ରଖି ପଚରାଉଚୁରା କରୁଛି ପୋଲିସ ।