ଗ୍ରୀଷ୍ମପ୍ରବାହ; ୩୯ ଡିଗ୍ରୀ ଉପରେ ରାଜ୍ୟର ୧୨ଟି ସହର

ଭୁବନେଶ୍ୱର, ରାଜ୍ୟରେ ଗ୍ରୀଷ୍ମପ୍ରବାହ ପ୍ରଭାବ ଦେଖିବାକୁ ମିଳିଛି । ଖରାଦିନ ଆରମ୍ଭ ହେଉ ହେଉ ରାଜ୍ୟର କିଛି ସ୍ଥାନର ତାପମାତ୍ରା ୪୦ ଡିଗ୍ରୀ ପାର୍ କଲାଣି । ପାଣିପାଗ ବିଭାଗର ସୂଚନା ଅନୁସାରେ ଆସନ୍ତା ୨ରୁ ୩ ଦିନରେ ରାଜ୍ୟ ରାଜଧାନୀର ତାପମାତ୍ରା ୪୧ ଡିଗ୍ରୀ ଉପରେ ରହିବ । ତେବେ ସୂଚନା ଅନୁସାରେ ରାଜ୍ୟର ୧୨ଟି ସହରର ତାପମାତ୍ରା ୩୯ ଡିଗ୍ରୀ ଉପରେ ରହିଛି । ବୌଦ୍ଧ ୪୧, ଭୁବନେଶ୍ବର ୪୦.୨, ସମ୍ବଲପୁର ୩୯.୮ ଡିଗ୍ରୀ, ନୟାଗଡ଼ ୩୯.୬, ଅନୁଗୁଳ ଓ ଟିଟିଲାଗଡ଼ ୩୯.୫ ଡିଗ୍ରୀ । ବାରିପଦା, ହୀରାକୁଦ ଓ ତାଳଚେର ତାପମାତ୍ରା ୩୯.୪ ଡିଗ୍ରୀ । କଟକ, ଭବାନୀପାଟଣା ଓ ମାଲକାନଗିରି ତାପମାତ୍ରା ୩୯ ଡିଗ୍ରୀ ସେଲ୍ସିୟସ୍ ରହିଛି ।