ମାଲକାନଗିରି, ପ୍ରେମୀଯୁଗଳ କଲେ ଆତ୍ମହତ୍ୟା । ଗାଁର ଏକ ବର ଗଛରେ ଗାମୁଛା ଲଗାଇ ଆତ୍ମହତ୍ୟା କରିଛନ୍ତି ଦୁହେଁ । ଏଭଳି ଏକ ଘଟଣା ଘଟିଛି ମାଲକାନଗିରି ଜିଲ୍ଲା ଏମ୍‌ଭି-୪୨ରେ। ସୂଚନା ଅନୁସାରେ ପୁଅ ଏବଂ ଝିଅ ଦୁହେଁ ପରସ୍ପରକୁ ଭଲ ପାଉଥିଲେ । ହଠାତ୍ ସକାଳୁ ଦୁହିଁଙ୍କର ଝୁଲନ୍ତା ଶରୀର ଗାଁର ଏକ ବର ଗଛରୁ ମିଳିଥିଲା । ମୃତ୍ୟୁ ସମୟରେ ଝିଅ ମଥାରେ ସିନ୍ଦୁର ଲାଗିଥିବା ଦେଖିବାକୁ ମିଳିଛି । ତେଣୁ ସେମାନେ ବିବାହ ପରେ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି । ତେବେ ତାଙ୍କର ଆତ୍ମହତ୍ୟା କରିବାର କାରଣ ଅସ୍ପଷ୍ଟ ରହିଛି । ଘଟଣା ସ୍ଥଳରେ ମାଲକାନଗିରି ଜିଲ୍ଲା ପୋଲିସ ପହଞ୍ଚି ମୃତ ଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇବା ସହ ତଦନ୍ତ ଆରମ୍ଭ କରିଛି ।