ଭୁବନେଶ୍ୱର, ଋାଜ୍ୟରେ କରୋନା ପରିସ୍ଥିତିରେ ଦିନକୁ ଦିନ ସୁଧାର ହେବାରେ ଲାଗିଛି । ପୂର୍ବାପେକ୍ଷା ସଂକ୍ରମଣ ହାର କମିବାରେ ଲାଗିଛି । ଚଳିତମାସରେ ନୟାଗଡ଼, ଗଞ୍ଜାମ ଓ କୋରାପୁଟ ଜିଲ୍ଲାରେ ସେରୋ ସର୍ଭେ କରାଯିବ ଏବଂ ଜାନୁଆରୀ ମାସରେ କଟକ ଓ ଭୁବନେଶ୍ୱରରେ ସେରୋ ସର୍ଭେ କରାଯିବ । ଏନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ କୋଭିଡ୍ ପରିସ୍ଥିତିର ସମୀକ୍ଷାବେଳେ ସୂଚନା ପ୍ରଦାନ କରିଛନ୍ତି। ଏହି ବୈଠକରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି ଯେ, କରୋନା ଟୀକା ନ ବାହାରିଲା ପର୍ଯ୍ୟନ୍ତ ପୂର୍ବ ପରି ସାବଧାନତା ଅବଲମ୍ବନ କରିବା ପାଇଁ । ସାବଧାନତା ଅବଲମ୍ବନରେ ଅବହେଲା କରିବା ଦ୍ୱାରା ସଂକ୍ରମଣ ବଢ଼ିବାର ସମ୍ଭାବନା ରହିଛିି । କୋଭିଡ୍ ଯୋଗୁ ଉପୁଜିଥିବା ଅର୍ଥନୀତିକ ଆହ୍ୱାନର ମୁକାବିଲା ପାଇଁ ପ୍ରଶାସନକୁ ସଜାଗ ରହିବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ଚାଷୀ, ମିଶନଶକ୍ତି ଓ ,ଏମଏସଏମଇମାନଙ୍କୁ ଋଣ ପ୍ରଦାନ କାର୍ୟ୍ୟକ୍ରମ ସମ୍ପର୍କରେ ଆସନ୍ତା ୨୨ତାରିଖରେ ଜିଲ୍ଲାପାଳ ଓ ବ୍ୟାଙ୍କ କର୍ତ୍ତୃପକ୍ଷଙ୍କ ସହ ମୁଖ୍ୟମନ୍ତ୍ରୀ ସମୀକ୍ଷା କରିବେ ବୋଲି କହିଛନ୍ତି।
