ଭୁବନେଶ୍ୱର, ଭିଭିଆଇପି ହେଲିକପ୍ଟର କିଣା ଦୁର୍ନୀତି ମାମଲାରେ ଗିରଫ ହେଲେ ଇଣ୍ଡିଆ ଗେଟ ବାସୁମତି ଚାଉଳର ମାଲିକ ଅନୁପ ଗୁପ୍ତା । ୩୬୦୦ କୋଟି ଟଙ୍କାର ଏହି ଦୁର୍ନୀତି ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ ଅନୁପ ଗୁପ୍ତାଙ୍କୁ ଗିରଫ କରିଛି । ଏନେଇ ଶନିବାର ଇଡିଙ୍କ ପକ୍ଷରୁ ସୂଚନା ମିଳିଛି । ଅଗଷ୍ଟା ୱେଷ୍ଟଲ୍ୟାଣ୍ଡ ହେଲିକପ୍ଟର କିଣା ମାମଲାରେ ମନିଲଣ୍ଡରିଂ ଅଧିନିୟମ ଅନୁସାରେ ଅନୁପ ଗୁପ୍ତାଙ୍କୁ ଗିରଫ କରାଯାଇଛି । ଯାଞ୍ଚରେ ସହଯୋଗ କରୁନଥିବା ନେଇ ଅଭିଯୋଗ ଉଠୁଛି । ଗିରଫ ପରେ ତାଙ୍କୁ ସ୍ୱତନ୍ତ୍ର ଅଦାଲତ ୫ ଦିନ ପାଇଁ ଇଡି ହେପାଜତକୁ ପଠାଇ ଦେଇଛଛନ୍ତି । ତାଙ୍କୁ ଅଧିକ ଦିନ ରିମାଣ୍ଡରେ ନେବା ପାଇଁ ଇଡି ଆବେଦିନ କରିଛି ।