ଏବିସି ଜୁସ ଶୁଣିବା ମାତ୍ରକେ ନାମଟି ଖୁବ ଅଦ୍ଭୁତ ଲାଗୁଥିବା l ଏମିତିରେ ତ ଆମେ ପ୍ରତ୍ୟେକ ଫଳ ନାମରେ ଅଲଗା ଅଲଗା ଜୁସ ବିଷୟରେ ଶୁଣିଛୁ, ଯେପରିକି ଆମ୍ବ ଜୁସ, କମଳା ଜୁସ, ସପୁରୀ ଜୁସ ଇତ୍ୟାଦି, କିନ୍ତୁ ଏହି ଏବିସି ଜୁସ କଣ ? ଏହା ନିଶ୍ଚିନ୍ତ ଭାବରେ ଆପଣଙ୍କ ମନରେ କିଛି ଗୋଟିଏ ଧାରଣା ସୃଷ୍ଟି କରୁଥିବl ଏବିସି ଜୁସ ଅର୍ଥ ଏ ରେ ଆପେଲ ବା ସେଓ, ବି ରେ ବିଟ ରୁଟ ଏବଂ ସି ରେ କ୍ୟାରଟ ବା ଗାଜରରେ ପ୍ରସ୍ତୁତ ଜୁସ ଅଟେ l ଏହି ଜୁସ ଫିଟନେସ ପସନ୍ଦ ବ୍ୟକ୍ତିଙ୍କର ଖୁବ ପ୍ରିୟ ଅଟେ l ଏହା ଶରୀରକୁ ସୁସ୍ଥ ରଖିବା ସହିତ ଡିଟକ୍ସ ମଧ୍ୟ କରିଥାଏ l ଏବିସି ଜୁସରେ ଜିଙ୍କ, ପୋଟାସିୟମ, ମାଙ୍ଗାନିଜ, ଭିଟାମିନ ଏ, ଭିଟାମିନ ବି 6, ଭିଟାମିନ ସି, କ୍ୟାଲସିୟମ, କପର, ଆଇରନ ଓ ମଗ୍ନେଶୀୟମ ଆଦି ନିୟୁଟ୍ରିଏଣ୍ଟସ ରହିଛି l  ଆସନ୍ତୁ ଜାଣିବା ଏହାକୁ ପ୍ରସ୍ତୁତ କରିବାର ବିଧି ଓ ପିଇବା ଦ୍ୱାରା କଣ ଲାଭ ହୋଇଥାଏl

ଏବିସି ଜୁସ ପିଇବାର ଲାଭ
ତେବେ ଏହି ଏବିସି ଜୁସରେ ଏତେ ଗୁଡିଏ ନିୟୁଟ୍ରିଏଣ୍ଟସ ଓ ଆଣ୍ଟି ଅକ୍ସିଡେଣ୍ଟ ଥିବା କାରଣରୁ ଜୁସ ଆମ ଇମ୍ୟୁନିଟିକୁ ଷ୍ଟ୍ରଙ୍ଗ ରଖିଥାଏ ଓ ଶ୍ୱେତ ରକ୍ତ କଣିକା ବା ହ୍ୱାଇଟ ବ୍ଲଡ଼ ସେଲ ମଧ୍ୟ ବୃଦ୍ଧି କରିଥାଏl  ଶରୀରର ଅନେକ ଗୁଡିଏ ନିୟୁଟ୍ରିଏଣ୍ଟସ ଏହି ଜୁସ ପିଇବା ଦ୍ୱାରା ଠିକ ରହିଥାଏ ଓ ଶରୀରରେ କମ ଥିବା ଭୀଟାମୀନସ ମଧ୍ୟ ପୂର୍ଣ୍ଣ ହୋଇଥାଏ l ଶରୀରକୁ ଏହି ଜୁସ ଡିଟକ୍ସ କରିବାରେ ସାହାଯ୍ୟ କରିଥାଏ ଏବଂ ବର୍ଜ୍ୟ ବସ୍ତୁକୁ ଶରୀରରୁ ବାହାର କରିଥାଏ l ଏଥି ସହ ତ୍ୱଚାରେ ପ୍ରାକୃତିକ ଚମକ ମଧ୍ୟ ଆଣିଥାଏl

ଏହି ଜୁସ ସେବନ ଦ୍ୱାରା ଉଭୟ ତ୍ୱଚା ଓ କେଶକୁ ଭଲ ଫଳ ମିଳିଥାଏ l ଯାହାଦ୍ୱାରା ସ୍କିଂ ଟାଇଟ ରୁହେ ଓ କେଶ ଝଡ଼ିବା କମି ଯାଇଥାଏl ବିଶେଷ କଥାଟି ହେଲା ଓଜନ ହ୍ରାସ କରିବାରେ ଏବିସି ଜୁସ ସାହାଯ୍ୟ କରିଥାଏ l ଗ୍ୟାସ, ଏସିଡ଼ିଟି ସମସ୍ୟା ଦୂର ହୋଇ ଖାଦ୍ୟ ହଜମ ସହଜରେ ହୋଇଥାଏl କୋଲେଷ୍ଟ୍ରଲ ହ୍ରାସ କରି ବ୍ଲଡ଼ ପ୍ରେସର ମଧ୍ୟ ସନ୍ତୁଳନ ରଖିବାରେ ଏହି ଜୁସ କାମ ଦେଇଥାଏ, ଶରୀରକୁ ଶୀତଋତୁରେ ରୋଗ ମୁକ୍ତ ମଧ୍ୟ ରଖିଥାଏ l

ଏବିସି ଜୁସ ପ୍ରସ୍ତୁତ କରିବାର ବିଧି

ସେଓ, ଗାଜର, ବିଟ ରୁଟକୁ ଭଲରେ ଧୋଇ କାଟି ନିଅନ୍ତୁ, ଏହାକୁ ମିକସି ଯାରରେ ପକାଇ ସେଥିରେ ସାମାନ୍ୟ ଗୁଡ଼ ଗୁଣ୍ଡ, କଳା ଲୁଣ ସ୍ୱାଦ ଅନୁସାରେ ମିଶାଇ ନିଅନ୍ତୁ , ସାମାନ୍ୟ ପାଣି ଦେଇ ପେଷି ଦିଅନ୍ତୁ l ଏହାପରେ ଗ୍ଲାସରେ ଢାଳି ସେଥିରେ ସାମାନ୍ୟ ଲେମ୍ବୁ ଚିପୁଡ଼ି ସେବନ କରନ୍ତୁl