ଏଏନଏସ : ଚଳିତ ବର୍ଷ ମୌସୁମୀର ଶୀଘ୍ର ଆଗମନ ଯୋଗୁଁ ସୃଷ୍ଟି ହୋଇଥିବା ବନ୍ୟାରେ ଆସମ ସବୁଠାରୁ ଅଧିକ ପ୍ରଭାବିତ ହୋଇଛି । କେନ୍ଦ୍ରୀୟ ଜଳ ଆୟୋଗ (ସିଡବ୍ଲ୍ୟୁସି) ବୁଲେଟିନ୍ ଅନୁଯାୟୀ, ଦେଶର ୧୮ଟି ‘ଭୀଷଣ ବନ୍ୟାପ୍ରବଣ’ ଅଞ୍ଚଳ ମଧ୍ୟରୁ ୧୬ଟି ଆସାମରେ ରହିଛି ଏବଂ ବ୍ରହ୍ମପୁତ୍ର, ବରାକ, କୋପିଲି ଭଳି ପ୍ରମୁଖ ନଦୀରେ ବନ୍ୟାଜଳ ଉଛୁଳୁଥିବାରୁ ଉତ୍ତର-ପୂର୍ବ ରାଜ୍ୟର ୧୮ଟି ଜିଲ୍ଲା ଭୟଙ୍କର ବନ୍ୟା ପରିସ୍ଥିତିର ସମ୍ମୁଖୀନ ହେଉଛି।
ଆସାମ ରାଜ୍ୟ ବିପର୍ଯ୍ୟୟ ପରିଚାଳନା ପ୍ରାଧିକରଣ (ଏଏସ୍ଡିଏମ୍ଏ)ର ତଥ୍ୟ ଅନୁଯାୟୀ, ଶନିବାର ସୁଦ୍ଧା ୩୦ଟି ଜିଲ୍ଲାର ୨୪ ଲକ୍ଷରୁ ଅଧିକ ଲୋକ ବନ୍ୟା ଦ୍ୱାରା ପ୍ରଭାବିତ ହୋଇଥିବା ବେଳେ ମୃତ୍ୟୁ ସଂଖ୍ୟା ୫୮କୁ ବୃଦ୍ଧି ପାଇଛି । ଆସାମର ୭,୭୫,୦୦୦ ଲୋକ ବନ୍ୟାରେ ସର୍ବାଧିକ ପ୍ରଭାବିତ ହୋଇଥିବା ବେଳେ ଧୁବ୍ରି ସବୁଠାରୁ ଅଧିକ ପ୍ରଭାବିତ ହୋଇଛି। ଏଏସ୍ଡିଏମ୍ଏ ତଥ୍ୟ ଅନୁଯାୟୀ ଜିଲ୍ଲାରେ ୧,୪୦,୦୦୦ରୁ ଅଧିକ ଲୋକ ବିସ୍ଥାପିତ ହୋଇଥିବା ବେଳେ ୩,୬୨୭ ଜଣ ରିଲିଫ ଶିବିରରେ ଆଶ୍ରୟ ନେଇଛନ୍ତି।
