ବଲିଉଡ କୁଇନ କଙ୍ଗନା ରାନାୱତଙ୍କ ଫିଲ୍ମ ‘ଥାଲାଇଭି’ ଖୁବ ଶୀଘ୍ର ରିଲିଜ ହେବାକୁ ଯାଉଛି । କିନ୍ତୁ ଏହି ଚଳଚ୍ଚିତ୍ର ପାଇଁ କଙ୍ଗନା ରାନାୱତଙ୍କୁ ଅନେକ ଅସୁବିଧାର ସମ୍ମୁଖୀନ ହେବାକୁ ପଡୁଛି । ‘ଥାଲାଇଭି’ ଫିଲ୍ୱ ରିଲିଜକୁ ନେଇ କଙ୍ଗନା ମଲ୍ଟିପ୍ଲେକ୍ସ ମାଲିକଙ୍କ ଉପରେ କ୍ରୋଧିତ । ଜାଣିଶୁଣି ତାଙ୍କ ଫିଲ୍ମକୁ କମ୍ ସ୍କ୍ରିନ ଦିଆଯାଉଛି ବୋଲି ଅଭିଯୋଗ କରିଛନ୍ତି ।
କଙ୍ଗନା ତାଙ୍କ ଇନଷ୍ଟାଗ୍ରାମ ପୋଷ୍ଟରେ ମଲ୍ଟିପ୍ଲେକ୍ସ ମାଲିକ ମାନଙ୍କୁ ଏହି କଷ୍ଟ ସମୟରେ ସେମାନଙ୍କୁ ସର୍ମଥନ କରିବାକୁ ଅନୁରୋଧ କରିଛନ୍ତି । କଙ୍ଗନା ଲେଖିଛିନ୍ତ ‘ ଦୟାକରି ଏହି କଷ୍ଟ ସମୟରେ ପରସ୍ପରୁ ସମର୍ଥନ କରନ୍ତୁ । ପ୍ରେକ୍ଷାଳୟରେ କୌଣସି ଚଳଚ୍ଚିତ୍ର ରିଲିଜ ହେଉନାହିଁ । ପ୍ରେକ୍ଷାଳୟରେ ମୁକ୍ତିଲାଭ କରିବାର ସାମର୍ଥ୍ୟ ଥିବା କେବଳ କିଛି ଫିଲ୍ମ ଅଛି । ମୋ ଫିଲ୍ମର ନିର୍ମାତାମାନେ ଅନେକ ଆପୋଷ ବୁଝାମଣା କରି ଫିଲ୍ମକୁ ପ୍ରେକ୍ଷାଳୟରେ ରିଲିଜ କରିବାର ରିସ୍କ୍ ନେବା ପାଇଁ ଭାବୁଛନ୍ତି । କେବଳ ସିନେମା ପ୍ରତି ତୁମର ଭଲପାଇବା ହେତୁ ଏହା ସମ୍ଭବ ହୋଇଛ’ି ।
କଙ୍ଗନା ମଲ୍ଟିପ୍ଲେକ୍ସକୁ ଗ୍ୟାଙ୍ଗଅପ୍ ବୋଲି ମଧ୍ୟ ଅଭିଯୋଗ କରିଛନ୍ତି । ସେ କହିଛନ୍ତି ଯେ ହିନ୍ଦୀ ବେଲ୍ଟରେ ଆମର ଦୁଇ ସପ୍ତାହର ୱିଣ୍ଡୋ ଥିବାବେଳେ ତାମିଲରେ ଏହି ୱିଣ୍ଡୋ ୪ ସପ୍ତାହ ଅଟେ । ଏପରି ପରିସ୍ତିତିରେ, ଆମର କ୍ଷତି ପୂରଣ କରିବା ଆମର ମୌଳିକ ଅଧିକାର ଅଟେ ।
କୁହାଯାଉଛି ଯେ ପୂର୍ବରୁ ‘ଥାଲାଇଭି’ର ନିର୍ମାତାମାନେ ମହାମାରୀ ପରିସ୍ଥିତିକୁ ଦୃଷ୍ଟିରେ ରଖି ପ୍ରଥମେ ଓଟିଟି ରେ ଫିଲ୍ମ ରିଲିଜ କରିବାକୁ ନିଷ୍ପତ୍ତି ନେଇଥିଲେ । ପରେ ସେ ଥିଏଟର ମାଲିକମାନଙ୍କ ସର୍ତ୍ତାବଳୀ ଗ୍ରହଣ କଲେ ।ଥିଏଟର ମାଲିକମାନେ କଠୋର କୋଭିଡ ପ୍ରୋଟକଲ କୁ ନେଇଁ ଡରରେ ଅଛନ୍ତି,ଯେଉଁଥିପାଇଁ ସେମାନଙ୍କୁ ଏପରି କରିବାକୁ ପଡୁଛି ।
ନିକଟରେ କଙ୍ଗନା ମଧ୍ୟ ‘ଥାଲାଇଭି’କୁ ପ୍ରମୋଟ ନକରିବାରୁ ଇନଷ୍ଟାଗ୍ରାମରେ ନିନ୍ଦା କରିଥିଲେ । ବାସ୍ତବରେ କଙ୍ଗନା ତାଙ୍କ ଇନଷ୍ଟାଗ୍ରାମ ଆକାଉଣ୍ଟର ବାୟୋରେ ‘ଥାଲାଇଭି’ ଟ୍ରେଲରର ଲିଙ୍କ ସେୟାର କରିବାକୁ ଚାହୁଁଥିଲେ । ଯେତେବେଳ ସେ ଏହା କରିପାରିନଥିଲେ,ସେ ଆପ୍ ଅଧିକାରୀମାନଙ୍କୁ ଗାଳି ଦେଇଥିଲେ ଏବଂ ସେମାନଙ୍କୁ ଅନପ୍ରୋଫେସନାଲ୍ ବୋଲି କହିଥିଲେ ।