କାନ୍ତାର ଅପାର ସଫଳତା ପରେ ନିର୍ମାତାମାନେ ବର୍ତ୍ତମାନ ଫିଲ୍ମର ପରବର୍ତ୍ତୀ ଅଂଶ, ‘କାନ୍ତାରା ଚାପ୍ଟର ୧’ ଆସୁଛି| ନିକଟରେ ଏହି ଚଳଚ୍ଚିତ୍ର ଘୋଷଣା କରାଯାଇଥିବା ବେଳେ ଫିଲ୍ମର ପ୍ରଥମ ଲୁକ୍ ଏବଂ ଟିଜର ରିଲିଜ୍ ହୋଇଛି| ଯାହା ବେଶ୍ ଚମତ୍କାର ରହିଛି। ଏହି ଟିଜରରେ ଅଭିନେତା ତଥା ନିର୍ଦ୍ଦେଶକ ଋଷଭ ଶେଟ୍ଟୀଙ୍କୁ ଭୟଙ୍କର ଏବଂ ଆକର୍ଷଣୀୟ ରୂପରେ ଦେଖିବାକୁ ପାଇବେ, ଯାହା ଦର୍ଶକଙ୍କ ହୋଶ୍ ଉଡ଼ାଇବାକୁ ଯାଉଛି। ଟିଜର ଦେଖିବା ପରେ ଫିଲ୍ମଟି ପ୍ରଥମ ଭାଗ ଅପେକ୍ଷା ଅଧିକ ରହସ୍ୟମୟ ହେବ ବୋଲି ଆଶା କରାଯାଉଛି।
ଟିଜର ବିଷୟରେ କହିବାକୁ ଗଲେ ଏହା ଋଷଭଙ୍କୁ ଭୟାନକ ଜଙ୍ଗଲରେ ଦୌଡ଼ୁଥିବାର ଦେଖାଯାଉଛି। ବ୍ୟାକ୍ଗ୍ରାଉଣ୍ଡରେ ଭୟଙ୍କର ସଙ୍ଗୀତ ମଧ୍ୟ ଶୁଣାଯାଉଛି। ଟିଜର ଦେଖିବା ପରେ କାହାର ବି ଲୋମ ଟାଙ୍କୁରି ଉଠିବ। ସୂଚନାଯୋଗ୍ୟ ଗତ ବର୍ଷ ଏହା ବିଶ୍ୱ ସ୍ତରରେ ଏକ ଆଲୋଡ଼ନ ସୃଷ୍ଟି କରିଥିଲା | ଚଳଚ୍ଚିତ୍ରର କାହାଣୀ ଏବଂ ଅଭିନେତାଙ୍କ ଅଭିନୟ ଦର୍ଶକଙ୍କୁ ପାଗଳ କରିଦେଇଥିଲା | ବର୍ତ୍ତମାନ ପ୍ରଥମ ଭାଗ ପରେ ପ୍ରଶଂସକମାନେ ଉତ୍ସାହର ସହିତ ଫିଲ୍ମର ପରବର୍ତ୍ତୀ ଭାଗକୁ ଅପେକ୍ଷା କରିଛନ୍ତି |
video courtesy: Hombale Films
ଆସନ୍ତା ବର୍ଷ ହିନ୍ଦୀ ଏବଂ କନ୍ନଡ, ତାମିଲ, ତେଲୁଗୁ, ମାଲାୟାଲମ୍, ଇଂରାଜୀ ଏବଂ ବଙ୍ଗଳା ସମେତ ୭ଟି ଭାଷାରେ ‘କାନ୍ତାରା ଚାପ୍ଟର-୧’ ମୁକ୍ତିଲାଭ କରିବ | ଡିସେମ୍ବର ଶେଷ ସୁଦ୍ଧା ଏହାର ସୁଟିଂ ଆରମ୍ଭ ହେବ। କିନ୍ତୁ ବର୍ତ୍ତମାନ ସୁଦ୍ଧା ଫିଲ୍ମର କଳାକାରମାନଙ୍କ ବିଷୟରେ କୌଣସି ତଥ୍ୟ ଜଣାପଡିନାହିଁ |
