ଚେନ୍ନାଇ-07.05.2021- ଆଜି ତାମିଲନାଡୁର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି ଡିଏମ୍‌କେ ମୁଖ୍ୟ ଏମ୍‌ କେ ଷ୍ଟାଲିନ୍‌। ରାଜ ଭବନରେ ରାଜ୍ୟପାଳ ବନଓ୍ୱରିଲାଲ ପୁରୋହିତ ଷ୍ଟାଲିନ୍‌ଙ୍କୁ ପଦ ଓ ଗୋପନୀୟତାର ଶପଥ ପାଠ କରାଇଛନ୍ତି। କରୋନା କଟକଣା ମଧ୍ୟରେ ଚେନ୍ନାଇ ରାଜଭବନରେ ଶପଥ ପାଠ କାର୍ଯ୍ୟକ୍ରମ ଶେଷ ହୋଇଛି । ଷ୍ଟାଲିନଙ୍କ ସହ ଅନ୍ୟ ୩୩ ଜଣ ମନ୍ତ୍ରୀ ମଧ୍ୟ ଆଜି ଶପଥ ନେଇଛନ୍ତି। ଏଠାରେ ସୂଚନା ଯୋଗ୍ୟ ଯେ, ଗତ ୧୦ ବର୍ଷ ଧରି ତାମିଲନାଡୁରେ ଏଆଇଏଡିଏମକେ କ୍ଷମତାରେ ଥିଲା। ଚଳିତ ନିର୍ବାଚନରେ ଡିଏମ୍‌କେ ଏଆଇଏଡିଏମକେକୁ ହରାଇ ସରକାର ଗଢ଼ିଛି।