ବର୍ତ୍ତମାନର ଖରାପ ଲାଇଫ୍ ଷ୍ଟାଇଲ୍ ଆମମାନଙ୍କ ସ୍ୱାସ୍ଥ୍ୟ ଉପରେ ସିଧାସଳଖ ପ୍ରଭାବ ପକାଉଛି । ଯାହାଦ୍ୱାରା ଦିନକୁ ଦିନ ଲୋକମାନେ ଅନେକ ରୋଗର ଶିକାର ହେଉଛନ୍ତି । ଆଉ ଏହି ରୋଗରୁ ମୁକ୍ତି ପାଇବା ପାଇଁ ଆମେମାନେ ବିଭିନ୍ନ ପ୍ରକାର ମେଡ଼ିସିନ ଖାଇଥାଉ| କିନ୍ତୁ ଆପଣ ଜାଣିଛନ୍ତି କି ପ୍ରାଚୀନ ସମୟରେ ଲୋକମାନେ ରୋଗରୁ ମୁକ୍ତି ପାଇବା ପାଇଁ ଘରୋଇ ଉପାୟ ବ୍ୟବହାର କରୁଥିଲେ । ଆମର ଆୟୁର୍ବେଦରେ ଏପରି କିଛି ଜିନିଷ ଅଛି ଯାହାକୁ ବ୍ୟବହାର କରି ଆମେ ନିଜ ସ୍ୱାସ୍ଥ୍ୟକୁ ଫିଟ୍ ରଖିପାରିବା । ସେହି ସବୁ ମଧ୍ୟରୁ ଗୋଟିଏ ହେଉଛି ନାଭିରେ ତେଲ ଲଗାଇବା । ଏହା କରିବା ଦ୍ୱାରା ଆପଣଙ୍କ ଶରୀରରୁ ଅନେକ ରୋଗ ଦୂର ହୋଇପାରିବ |
ବାସ୍ତବରେ, ନାଭି ପଛରେ ପେକୋଟି ନାମକ ଏକ ଗ୍ରନ୍ଥି ରହିଥାଏ । ନାଭି ଶରୀରର ଅନେକ ସ୍ନାୟୁ ସହିତ ସଂଯୁକ୍ତ ତେଣୁ ଏହା ଆମ ଶରୀରକୁ ପୁଷ୍ଟିକର ଯୋଗାଇଥାଏ । ଯେତେବେଳେ ଆପଣ ନାଭିରେ ତେଲ ଲଗାନ୍ତି, ଏହା ପେକୋଟିଡ୍ ଗ୍ରନ୍ଥି ଦ୍ୱାରା ଶୀଘ୍ର ଶୋଷିତ ହୋଇଥାଏ । ଯାହା ଆପଣଙ୍କୁ ଶାରୀରିକ ଏବଂ ମାନସିକ ସ୍ତରରେ ଫିଟ୍ ରଖିଥାଏ । ପ୍ରାଚୀନ କାଳରେ ଲୋକମାନେ ନାଭିରେ ତେଲ ଲଗାଇବାକୁ ପରାମର୍ଶ ଦେଇଥାନ୍ତି । ଏଭଳି ପରିସ୍ଥିତିରେ ଆଜି ଆମେ ଆପଣଙ୍କୁ ନାଭିରେ ସୋରିଷ ଏବଂ ଲିମ୍ବ ତେଲ ଲଗାଇବା ବିଷୟରେ ଜଣାଇବୁ । ଯାହାକୁ ଲଗାଇବା ଦ୍ୱାରା ଆପଣ ଅନେକ ସ୍ୱାସ୍ଥ୍ୟ ସମସ୍ୟାରୁ ରକ୍ଷା ପାଇପାରିବେ ।
ଆଣ୍ଠୁଗଣ୍ଠି ଯନ୍ତ୍ରଣା :
ଯଦି ଆପଣଙ୍କର ଆଣ୍ଠୁରେ ପ୍ରବଳ ଯନ୍ତ୍ରଣା ହେଉଛି, ତେବେ ଆପଣ ସୋରିଷ ତେଲ ଲଗାନ୍ତୁ । ସୋରିଷ ତେଲ ଶରୀରର ଯନ୍ତ୍ରଣା ଏବଂ ଫୁଲା କମାଇବାରେ ଲାଭଦାୟକ ହୋଇଥାଏ । ଏହା ବ୍ୟତୀତ ଏହା ଶରୀରରେ ରକ୍ତ ପ୍ରବାହକୁ ମଧ୍ୟ ବଢାଇଥାଏ । ସେଥିପାଇଁ ଆପଣ ନାଭିରେ ତେଲ ଲଗାଇବା ଉଚିତ । ଯାହାଦ୍ୱାରା ଶରୀର ଫିଟ୍ ରହିଥାଏ।
ଦୂର ହୁଏ ଗୋଇଠି ଫଟା ସମସ୍ୟା :
ଯଦି ଆପଣଙ୍କ ଗୋଇଠି ଫାଟୁଛି ତେବେ ନାଭିରେ ସୋରିଷ ତେଲ ଲଗାନ୍ତୁ । ପ୍ରତିଦିନ ଶୋଇବା ପୂର୍ବରୁ ନାଭିରେ ସୋରିଷ ତେଲ ଲଗାନ୍ତୁ ଏବଂ ସେଠାରେ ୧୦-୧୫ ମିନିଟ୍ ପର୍ଯ୍ୟନ୍ତ ମାଲିସ୍ କରନ୍ତୁ । ଯାହା ଦ୍ୱାରା ଆପଣଙ୍କ ଗୋଇଠି ଫଟା ସମସ୍ୟା ଦୂର ହୋଇପାରିବ।
ହଜମ ଶକ୍ତିକୁ ମଜବୁତ କରେ :
ଯଦି ଆପଣଙ୍କର ହଜମ ହେବାରେ ଅସୁବିଧା ହେଉଛି, ତାହେଲେ ପ୍ରତିଦିନ ଶୋଇବା ପୂର୍ବରୁ ନାଭିରେ ସୋରିଷ ତେଲ ଲଗାନ୍ତୁ । ଏହା ଆପଣଙ୍କ ହଜମ ପ୍ରକ୍ରିୟାରେ ଉନ୍ନତି ଆଣିବ ଏବଂ ଗ୍ୟାସ୍, କୋଷ୍ଠକାଠିନ୍ୟ ଏବଂ ଏସିଡିଟି ଭଳି ଅନେକ ପେଟ ସମ୍ବନ୍ଧୀୟ ସମସ୍ୟାରୁ ମୁକ୍ତି ମିଳିବ ।
ପିମ୍ପଲରୁ ମୁକ୍ତି ମିଳିବ :
ଯଦି ଆପଣଙ୍କ ମୁହଁରେ ବହୁତ ପିମ୍ପଲ୍ ହେଉଛି, ତେବେ ଲିମ୍ବ ତେଲ ବ୍ୟବହାର କରନ୍ତୁ । କାରଣ ଲିମ୍ବରେ ଆଣ୍ଟି-ବ୍ୟାକ୍ଟେରିଆଲ୍, ଆଣ୍ଟି-ଫଙ୍ଗଲ୍ ଗୁଣ ରହିଥାଏ, ଯାହା ଆପଣଙ୍କ ତ୍ୱଚାକୁ ସୁନ୍ଦର ରଖିବାରେ ସାହାଯ୍ୟ କରିଥାଏ ।
କେଶ ପାଇଁ ଲାଭଦାୟକ :
ଲିମ୍ବ ତେଲ ଔଷଧ ଗୁଣରେ ଭରପୂର ରହିଥାଏ, ଯାହା କେଶକୁ ମଧ୍ୟ ମଜବୁତ କରିଥାଏ । ଯେଉଁମାନଙ୍କର ଅନେକ ପ୍ରକାରର କେଶ ସମସ୍ୟା ରହିଛି, ସେମାନେ କେଶରେ ଲିମ୍ବ ତେଲ ଲଗାଇ ପାରିବେ । କେଶ ଝଡିବା ଏବଂ କେଶର ଶୁଷ୍କତା ହ୍ରାସ କରିବାରେ ଲିମ୍ବ ତେଲ ସାହାଯ୍ୟ କରିଥାଏ ।
