ଆୟୁବେର୍ଦରେ ଘିଅ ଖାଇବା ଶରୀର ପାଇଁ ଲାଭଦାୟକ ବୋଲି କୁହାଯାଇଥାଏ । ସେହିଭଳି ଅଧ୍ୟୟନରୁ ଜାଣିବାକୁ ମିଳିଛି ଘିଅରେ ଅନେକ ଭିଟାମିନ୍ ଏବଂ ପୋଷକ ତତ୍ତ୍ୱ ରହିଥାଏ, ଯାହା ଶରୀରକୁ ସମ୍ପୂର୍ଣ୍ଣ ବିକାଶ କରିବାରେ ମହତ୍ୱପୂର୍ଣ୍ଣ ଭୂମିକା ବହନ କରିଥାଏ । ଘିଅରେ ପ୍ରଚୁର ମାତ୍ରାରେ ଓମେଗା-୩ ଫ୍ୟାଟି ଏସିଡ୍ ଏବଂ ଭିଟାମିନ୍-ଏ ରହିଥାଏ, ଯାହା ଶରୀରର ସୁନ୍ଦରତା ସହ ହାଡ ଏବଂ ମାସଂପେଶୀକୁ ସୁସ୍ଥ ଏବଂ ମଜବୁତ୍ ରଖିବାରେ ସହାୟକ ହୋଇଥାଏ ।ଚିକିତ୍ସା ସହ ଘିଅକୁ ଆଧ୍ୟାତ୍ମିକ କାର୍ଯ୍ୟରେ ମଧ୍ୟ ପ୍ରୟୋଗ କରାଯାଇଥାଏ । ଘିଅକୁ ନିୟମିତ ସେବନ କରିବା ଦ୍ୱାରା ଅନେକ ଆଶ୍ଚର୍ଯ୍ୟଜନକ ଲାଭ ମିଳିଥାଏ । ତେବେ ଆସନ୍ତୁ ଜାଣଇବା ଘିଅ ଖାଇବା ଦ୍ୱାରା କ’ଣ କ’ଣ ଲାଭ ମିଳିଥାଏ ।
ଅଧ୍ୟୟନରୁ ଜଣାପଡିଛି ଶକ୍ତିର ଉତ୍ତମ ସ୍ରୋତ ହେଉଛି ଘିଅ । ଏଥିରେ ଅନେକ ପ୍ରକାର ଫ୍ୟାଟି ଏସିଡ ଥାଏ, ଯେଉଁଥିରେ ଲାରିକ୍ ଏସିଡ୍ ଏକ ଶକ୍ତିଶାଳୀ ରୋଗାପୁରୋଧୀ ଏବଂ ଆଣ୍ଟିପଙ୍ଗଲ୍ ପଦାର୍ଥ ରହିଥାଏ । ଏହି କାରଣରୁ ସ୍ତନ୍ୟପାନ କରାଉଥିବା ମହିଳାମାନଙ୍କୁ ଘିଅରେ ତିଆରି ହୋଇଥିବା ଲଡୁ ଖାଇବାକୁ ଦିଆଯାଇଥାଏ ।
ସେହିଭଳି ଘିଅରେ ଭିଟାମିନ ଏବଂ ଖଣିଜ ଥିବା କାରଣରୁ ଏହା ପାଚନ ପ୍ରକ୍ରିୟା ସଠିକ୍ ଭାବେ କରିଥାଏ । ଏଥିସହ ଘିଅରେ ଭରପୁର ମାତ୍ରାରେ ଭିଟାମିନ୍-ଇ ରହିଥାଏ, ଯାହା ଶକ୍ତିଶାଳୀ ଆଣ୍ଟିଅକ୍ସିଡେଣ୍ଟ କ୍ଷମତା ପ୍ରଦାନ କରିଥାଏ । ଘିଅ ତ୍ୱଚା ସହ କେଶ ପାଇଁ ମଧ୍ୟ ଲାଭକାରୀ ହୋଇଥାଏ । ଲୋକମାନେ କେବଳ ଘିଅକୁ ସେବନ କରିଥାନ୍ତି କିନ୍ତୁ ଏହାକୁ ଫେସ୍ ମାସ୍କ, ହେୟାର ମାସ୍କ ଭାବେ ମଧ୍ୟ ବ୍ୟବହାର କରାଯାଇଥାଏ ।
