ଅମୃତଭଣ୍ଡା ସ୍ୱାସ୍ଥ୍ୟ ପାଇଁ ବହୁ ଉପକାରୀ । ଅମୃତଭଣ୍ଡାରେ ଥିବା ଭିଟାମିନ ଆମ ଶରୀରର ଅନେକ ଗମ୍ଭୀର ରୋଗକୁ ଦୂର କରିଥାଏ । ବିଶେଷଜ୍ଞଙ୍କ କହିବା ଅନୁଯାୟୀ ଅମୃତଭଣ୍ଡାରେ ଥିବା ଆଣ୍ଟିଅକ୍ସିଡାଣ୍ଟ ଯାହା ଶରୀରକୁ ଅନେକ ପ୍ରକାରର ଗୁରୁତର ରୋଗ ଏବଂ ସଂକ୍ରମଣରୁ ସୁରକ୍ଷିତ ରଖିବାରେ ସାହାଯ୍ୟ କରିଥାଏ । ଅମୃତଭଣ୍ଡାକୁ ଭିଟାମିନ୍-ସି ର ଏକ ଉତ୍କୃଷ୍ଟ ଉତ୍ସ ଭାବରେ ବିବେଚନା କରାଯାଏ ଯାହା ପ୍ରତିରକ୍ଷା ପ୍ରଣାଳୀକୁ ମଜବୁତ କରିବାରେ ଏକ ପ୍ରମୁଖ ଭୂମିକା ଗ୍ରହଣ କରିଥାଏ । ଏହା ବ୍ୟତୀତ ପେଟକୁ ସୁସ୍ଥ ରଖିବା, ତ୍ୱଚାର ଚମକ ଏବଂ ଆଜମା ଭଳି ରୋଗରୁ ରକ୍ଷା କରିବାରେ ମଧ୍ୟ ଅତ୍ୟନ୍ତ ଲାଭଦାୟକ ଅଟେ । ତେବେ ଆନ୍ତୁ ଜାଣିବା ଅମୃତଭଣ୍ଡା ଖାଇବା ଦ୍ୱାରା ଆମର କି କି ଉପକାର ହୁଏ?
୧. ବୟସ ସମ୍ବନ୍ଧୀୟ ସମସ୍ୟା: ଅମୃତଭଣ୍ଡାରେ ଅନେକ ପ୍ରକାରର ଭିଟାମିନ୍ ଏବଂ ପୋଷକ ତତ୍ତ୍ୱ ମିଳିଥାଏ ଯାହା ବୟସ ସମ୍ବନ୍ଧୀୟ ସମସ୍ୟା ହ୍ରାସ କରିବାରେ ସାହାଯ୍ୟ କରିଥାଏ । ଅମୃତଭଣ୍ଡାରେ ମିଳୁଥିବା ଆଣ୍ଟିଅକ୍ସିଡାଣ୍ଟ ଜେକ୍ସୋଥିନ , ହାନିକାରକ ଅତିବାଇଗଣି ରଶ୍ମି,କୁ ଫିଲ୍ଟର୍ କରିଥାଏ । ଏଭଳି ପରିସ୍ଥିତିରେ ଆଖିକୁ ସୁସ୍ଥ ରଖିବାରେ ଏହା ଅତ୍ୟନ୍ତ ଲାଭଦାୟକ ବୋଲି ବିବେଚନା କରାଯାଏ । ଏହା ବ୍ୟତୀତ ବୟସ ସହ ଜଡିତ ଅନେକ ପ୍ରକାରର ଗୁରୁତର ସମସ୍ୟାର ଆଶଙ୍କା କମିଯାଏ ।
![](https://ansodia.in/wp-content/uploads/2021/10/causes-of-diabetes-1024x538.png)
୨. ମଧୁମେହ: ମଧୁମେହ ରୋଗୀଙ୍କ ପାଇଁ ଅମୃତଭଣ୍ଡା ଏକ ଭଲ ବିକଳ୍ପ ଅଟେ । ଟାଇପ୍ -୧ ଡାଇବେଟିସ୍ ଥିବା ବ୍ୟକ୍ତିମାନେ ଏକ ହାଇ ଫାଇବର ଡାଏଟ୍ ଖାଇବା ଉଚିତ୍, ଏହା ରକ୍ତରେ ଶର୍କରା ସ୍ତରକୁ ହ୍ରାସ କରିଥାଏ । ଅମୃତଭଣ୍ଡାରେ ଭଲ ପରିମାଣର ଫାଇବର ମିଳିଥାଏ । ଏହାର ବ୍ୟବହାର ରକ୍ତରେ ଶର୍କରା, ଲିପିଡ ଏବଂ ଇନସୁଲିନ ସ୍ତରରେ ଉନ୍ନତି ଆଣିବାରେ ସହାୟକ ହୋଇଥାଏ ।
![](https://ansodia.in/wp-content/uploads/2021/10/uhf-1024x614.png)
୩. କର୍କଟ ରୋଗ ର ଆଶଙ୍କା କମ୍ କରେ : ଅମୃତଭଣ୍ଡାରେ ଥିବା ଲାଇକୋପିନ୍ ଯୌଗିକ କର୍କଟ ରୋଗର ଆଶଙ୍କା ହ୍ରାସ କରିପାରେ । ଏହା ବ୍ୟତୀତ ଅମୃତଭଣ୍ଡାରେ ମିଳୁଥିବା ଆଣ୍ଟିଅକ୍ସିଡାଣ୍ଟ ବିଟା-କାରୋଟିନ୍ ମଧ୍ୟ କର୍କଟ ରୋଗର ଆଶଙ୍କା କମାଇପାରେ । କ୍ୟାନସର ଏପିଡେମୋଲୋଜି ଏବଂ ପ୍ରତିରୋଧ ବାୟୋମାର୍କର୍ସ ପତ୍ରିକାରେ ପ୍ରକାଶିତ ଏକ ଅଧ୍ୟୟନ ଅନୁଯାୟୀ ବିଟା-କାରୋଟିନରେ ଭରପୂର ଖାଦ୍ୟ ଖାଇବା ଦ୍ୱାରା ଯୁବକମାନଙ୍କୁ ପ୍ରୋଷ୍ଟେଟ କର୍କଟରୁ ରକ୍ଷା କରାଯାଇପାରେ ।
![](https://ansodia.in/wp-content/uploads/2021/10/yugfyf.png)
୪. ହାଡ ମଜବୁତ କରେ: ହାଡର ସ୍ୱାସ୍ଥ୍ୟ ବଜାୟ ରଖିବାରେ ଅମୃତଭଣ୍ଡା ଉପକାରୀ ବୋଲି ବିବେଚନା କରାଯାଏ । ବିଶେଷଜ୍ଞଙ୍କ ଅନୁଯାୟୀ, ଯେଉଁମାନଙ୍କର ଭିଟାମିନ୍-କେ ଅଭାବ ରହିଛି, ସେମାନଙ୍କ ହାଡ ଭାଙ୍ଗିବାର ସମ୍ଭାବନା ଅଧିକ ଥାଏ । ଭିଟାମିନ୍-କେ ସହିତ ଅମୃତଭଣ୍ଡାରେ ଭଲ ପରିମାଣର କ୍ୟାଲସିୟମ୍ ମଧ୍ୟ ମିଳିଥାଏ । ହାଡକୁ ସୁସ୍ଥ ଏବଂ ଶକ୍ତିଶାଳୀ ରଖିବା ପାଇଁ ଅମୃତଭଣ୍ଡାରେ ଖାଇବା ଅତ୍ୟନ୍ତ ଲାଭଦାୟକ ହୋଇପାରେ ।