କଟକ(୧୩.୦୧.୨୩) : ବସରେ ପୋଲିସ ଗଞ୍ଜେଇ ଖୋଜୁଥିବା ବେଳେ ଜବତ କଲା ୪ ପେଟି ଟଙ୍କା ଯାହା ପୋଲିସକୁ ଆଶ୍ଚର୍ଯ୍ୟ କରିଛି । କଟକ ଜିଲ୍ଲା ଟାଙ୍ଗୀ ଟୋଲଗେଟ୍ ନିକଟରୁ ଏକ ବସ୍ରୁ ଜଣେ ଯାତ୍ରୀଙ୍କ ଠାରୁ ୪ ପେଟି ଟଙ୍କା ଜବତ କରିଛି ପୁଲିସ। ପେଟିରେ ପ୍ରାୟ ୧ କୋଟିରୁ ଉର୍ଦ୍ଧ୍ୱ ଟଙ୍କା ଥିବା ଅନୁମାନ କରାଯାଉଛି। ଏହି ଘଟଣାରେ ପୁଲିସ ଜଣେ ବ୍ୟକ୍ତିଙ୍କୁ ଅଟକ ରଖି ପଚରାଉଚରା କରୁଛି। ଅଟକ ବ୍ୟକ୍ତିଙ୍କ ଭିଣୋଇ ସୁନା ବ୍ୟବସାୟୀ ବୋଲି ସୂଚନା ମିଳିଛି। କଟକରୁ କୋଲକାତା ଯାଉଥିବା ଏକ ବସ୍ରେ ଗଂଜେଇ ଚୋରା ଚାଲାଣ ହେଉଥିବା ଟାଙ୍ଗୀ ପୁଲିସ କୌଣସି ସୂତ୍ରରୁ ଖବର ପାଇଥିଲା। ଏନେଇ ଟାଙ୍ଗୀ ପୁଲିସ ଟୋଲଗେଟ୍ ନିକଟରେ ଜଗି ରହିଥିଲା। ବସ୍ଟିକୁ ଟୋଲଗେଟ୍ ନିକଟରେ ଅଟକାଇ ଖୋଜାଖୋଜି କରିଥିଲା। ହେଲେ ବସ୍ରୁ ଗଞ୍ଜେଇ ବଦଳରେ ୪ଟି ପେଟି ଟଙ୍କା ପୁଲିସ ଜବତ କରିଥିଲା। ପୁଲିସ ଟଙ୍କା ପେଟିକୁ ଜବତ କରି ଥାନାକୁ ଆଣିଥିଲା। ଅଟକ ଥିବା ବ୍ୟକ୍ତି ଜଣଙ୍କ ଏତେ ଟଙ୍କା ନେଇ କୁଆଡେ ଯାଉଥିଲେ, କେଉଁ କାମ ପାଇଁ ବସ୍ରେ ଏତେ ଟଙ୍କା ନେଉଥିଲେ ତାହାର କାରଣ ଜଣାପଡ଼ିନାହିଁ। ପୁଲିସ ଘଟଣାର ତଦନ୍ତ କରୁଛି।
![You are currently viewing ବସରୁ ଜବତ ହେଲା ୪ ପେଟି ଟଙ୍କା](https://ansodia.in/wp-content/uploads/2023/01/55.jpg)
ବସରୁ ଜବତ ହେଲା ୪ ପେଟି ଟଙ୍କା
- Post published:January 13, 2023
- Post category:ଓଡିଶା
- Reading time:1 mins read
Tags: cuttack