ଭୁବନେଶ୍ୱର(ଏଏନଏସ) ୦୮.୧୨.୨୦୨୧, ଆଜି ବିଧାନସଭା ଅଧିବେଶନର ସପ୍ତମ ଦିନରେ ଗୃହ ଅଚଳ । ହଟ୍ଟଗୋଳ ମଧ୍ୟରେ ଚାଲିପାରୁନି ଗୃହ କାର୍ଯ୍ୟ । ଯାହା ଫଳରେ ବାରମ୍ୱାର ଗୃହ ମୁଲତବୀ ହେଉଛି । ତେବେ ଆଜି ଗୃହ ଆରମ୍ଭରୁ ସବୁ ଦଳର ବିଧାୟକମାନେ ଗୃହରେ ହଟ୍ଟଗୋଳ କରିଛନ୍ତି । ଗୃହର ମଧ୍ୟାଭାଗକୁ ଆସି ହୋ ହାଲ୍ଲା କରିଛନ୍ତି ଶାସକ ଓ ବିରୋଧୀ ବିଧାୟକ । ଯାହାକୁ ନେଇ ଗୃହକୁ ୧୧ ଟା ୩୦ ଯାଏଁ ମୁଲତବୀ ରଖିଛନ୍ତି ବାଚସ୍ପତି ସୂର୍ଯ୍ୟ ନାରାୟଣ ପାତ୍ର ।
ମମିତା ମେହେର ମାମଲାରେ ଗୋବିନ୍ଦଙ୍କ ଓକିଲକୁ ନେଇ ବିଜେଡି ଓ ବିଜେପି ମୁହାଁମୁହିଁ ହୋଇଛନ୍ତି । ଗୋବିନ୍ଦ ସହ ନବୀନ ଉପସ୍ଥିତ ଥିବାର ଏକ ଫଟୋ ଦେଖାଇ ବିଜେପି ହଟ୍ଟଗୋଳ କରିଛି। ସେହିପରି ବିଜେଡି ମଧ୍ୟ ଗୋବିନ୍ଦଙ୍କ ଓକିଲ ସହ ଧର୍ମେନ୍ଦ୍ର ପ୍ରଧାନ ଉପସ୍ଥିତ ଥିବା ଏକ ଫଟୋ ଦେଖାଇ ସମାନ ଅଭିଯୋଗ ଆଣିଛି। ଉଭୟ ଶାସକ ଓ ବିରୋଧୀ ଦଳର ହୋହାଲ୍ଲା ଯୋଗୁଁ ଗୃହକୁ ମୁଲତବି ଘୋଷଣା କରିଛନ୍ତି ବାଚସ୍ପତି।