ରାଜନଗର(ଏଏନଏସ)୧୨.୦୧.୨୦୨୨, ଭିତରକନିକାରେ ଆରମ୍ଭ ହୋଇଛି ପକ୍ଷୀଗଣନା । ଏହି ଗଣନାରେ ୧୬ଟି ଟିମ୍ ସାମିଲ ହୋଇଛନ୍ତି । ପ୍ରତ୍ୟେକ ଟିମରେ ୪ ରୁ ୫ ଜଣ କର୍ମଚାରୀ ନିୟୋଜିତ ହୋଇଛନ୍ତି । ଚଳିତ ବର୍ଷ କଲେଜ ଛାତ୍ର ଛାତ୍ରୀଙ୍କୁ ଗଣନାରେ ସାମିଲ କରାଯାଇଛି । ଏଥିପାଇଁ ସେମାନଙ୍କୁ ଟ୍ରେନିଂ ଦିଆଯାଇଥିଲା । ବନ ବିଭାଗର ନେତୃତ୍ୱରେ ସ୍ୱେଚ୍ଛାସେବୀଙ୍କ ସମେତ ସମସ୍ତେ ଗଣନାରେ ସାମିଲ ହୋଇଛନ୍ତି ।କେନ୍ଦ୍ରାପଡା ସହ ଜଗତସିଂହପୁରର, ବିଭିନ୍ନ ଦ୍ୱୀପ ଓ ହେନ୍ତାଳ ବନ ପ୍ରଭୃତିରେ ଗଣନା କରାଯାଉଛି ।
ସେହିପରି ଭିତରକନିକାରେ ଗତ ୬ ତାରିଖରୁ ୧୦ ତାରିଖ ଯାଏ ୫ ଦିନ ଧରି ଏହି କୁମ୍ଭୀର ଗଣନା କରାଯାଇଥିଲା। ଗତବର୍ଷ ଅପେକ୍ଷା ଏବର୍ଷ ୧୬ଟି କୁମ୍ଭୀର ସଂଖ୍ୟା ବୃଦ୍ଧି ପାଇଛି। ଏନେଇ ରାଜନଗର ବନଖଣ୍ଡ ଅଧିକାରୀ ସୂଚନା ଦେଇଛନ୍ତି । ଗତବର୍ଷ ୧୭୬୮ଟି ବଉଳା କୁମ୍ଭୀର ଥିବା ବେଳେ ଏ ବର୍ଷ ଏହି ସଂଖ୍ୟା ୧୭୮୪କୁ ବୃଦ୍ଧିପାଇଛି ।
![You are currently viewing ଆଜି ଭିତରକନିକାରେ ପକ୍ଷୀଗଣନା](https://ansodia.in/wp-content/uploads/2022/01/Screenshot_2022-01-12-11-32-42-00_680d03679600f7af0b4c700c6b270fe7.jpg)