ଢେଙ୍କାନାଳ(ଏଏନଏସ) ୦୨.୧୨.୨୦୨୧, ଢେଙ୍କାନାଳ ସାଇକୃପା ଆବାସିକ କଲେଜର ଆଉ ୧୬ ପିଲା କୋରୋନା ପଜିଟିଭ ଚିହ୍ନଟ ହୋଇଛନ୍ତି । ଆଜି ମୋଟ ୫୦ ଜଣଙ୍କ RT-PCR ରିପୋର୍ଟ ଆସିଥିଲା ସେମାନଙ୍କ ମଧ୍ୟରୁ ୧୬ ଜଣ ପଜିଟିଭ୍ ଚିହ୍ନଟ । ଏହାକୁ ମିଶାଇ ବର୍ତ୍ତମାନ କଲେଜରେ କୋରୋନା ପଜିଟିଭ୍ ଛାତ୍ରଛାତ୍ରୀଙ୍କ ସଂଖ୍ୟା ୫୩କୁ ବୃଦ୍ଧି ପାଇଛି ।
ସୂଚନାଯୋଗ୍ୟ ଯେ, ଗତ ଗୁଇଦିନ ପୂର୍ବେ ଏହି କଲେଜରୁ ପ୍ରଥମେ ୪ଜଣଙ୍କର କୋଭିଡ ପଜିଟିଭ ଚିହ୍ନଟ ହେବାପରେ ସ୍ୱାସ୍ଥ୍ୟ ବିଭାଗ ପକ୍ଷରୁ କଲେଜରେ ଥିବା ୨୬୦ଜଣଙ୍କର ଆରଟିପିସିଆର ପାଇଁ ସ୍ୱାବ ପଠାଇଥିଲେ । ଫଳରେ ଗତ କାଲି ୯୦ଜଣଙ୍କ ରିପୋର୍ଟ ଢେଙ୍କାନାଲ ସ୍ୱାସ୍ଥ୍ୟ ବିଭାଗର ହସ୍ତଗତ ହୋଇଥିବାବେକେ ସେଥିରୁ ୩୩ଜଣଙ୍କର ପଜିଟିଭ ଚିହ୍ନଟ ହୋଇଥିବା ଜଣାପଡିଛି । ତେବେ କଲେଜ କର୍ତ୍ତୃପକ୍ଷ କଲେଜକୁ ବନ୍ଦ କରିଦେଇଛନ୍ତି । ପିଲାମାନେ ନିଜ ନିଜ ଘରକୁ ପଳାଇଥିବା ଜଣାପଡିଛି । ଫଳରେ ସଂକ୍ରମଣ ଆଶଙ୍କା କରି ଜିଲ୍ଲା ପ୍ରଶାସନ ପକ୍ଷରୁ ସେମାନଙ୍କ କଣ୍ଟାକ୍ଟ ଟ୍ରେସିଂ ପାଇଁ ପୌରସଂସ୍ଥା ଓ ପୁଲିସକୁ ନିର୍ଦେଶ ଦିଆଯାଇଛି ।
![You are currently viewing ସାଇକୃପା ଆବାସିକ କଲେଜର ଆଉ ୧୬ ପିଲା କୋରୋନା ପଜିଟିଭ ଚିହ୍ନଟ](https://ansodia.in/wp-content/uploads/2021/12/20211202_181002.jpg)