ସୋନପୁର(ଏଏନଏସ)୧୦.୦୧.୨୦୨୨, ସୁବର୍ଣ୍ଣପୁର ଜିଲ୍ଲା ସୋନପୁର ସହରର ମହାନଦୀର ପାଚେରୀ ଘାଟରେ ଶବ ଭାସୁ ଥିବା ଘଟଣାରେ ମୃତକଙ୍କ ପରିଚୟ ଜଣାପଡିଛି । ମୃତକ ଜଣକ ହେଲେ ସୋନପୁର ବଡବଜାର ଘାସିପଡା ଜଲାର ସିଂ ବାଘ । ଗତକାଲି ସେ ମହାନଦୀ ଭିତରକୁ ସାଙ୍ଗମାନଙ୍କ ସହିତ ଭୋଜି କରି ଯାଇଥିଲେ । ଏହି ସମୟରେ ସେ ପାଣିରେ ଭାସିଯାଇଥିବା ଅନୁମାନ କରାଯାଉଛି ।
ସୂଚନା ଅନୁସାରେ, ଆଜି ସକାଳୁ ସ୍ଥାନିୟ ଲୋକେ ସହରର ଯାତ୍ରୀନିବାସ ସମ୍ବୁଖରେ ଥିବା ପାଚେରୀ ଘାଟ ଠାରେ ଏକ ଶବ ଭାସୁ ଥିବା ଦେଖିବାକୁ ପାଇଥିଲେ । ଏନେଇ ପୋଲିସ ଓ ଦମକଳ ବାହିନୀ କୁ ଖବର ଦିଆଯାଇଥିଲା । ଦମକଲ ବାହିନୀ ଘଟଣାସ୍ଥଳରେ ପହଞ୍ଚି ଶବକୁ ଉଦ୍ଧାର କରିବା ସହିତ ପୋଲିସ ଶବକୁ ଜବତ କରିଛି । ପରିବାର ଲୋକେ ଶବ ଚିହ୍ନଟ କରିଛନ୍ତି ।ସୋନପୁର ପୋଲିସ ଏକ ଅପମୃତ୍ୟୁ ମାମଲା ରୁଜ୍ଜୁ କରି ତଦନ୍ତ ଅଖିକ ତଦନ୍ତ ଚଲାଇଛି ।
