ଭାରତ ବର୍ଷରେ ବିବାହକୁ ନେଇ ଅନେକ ରୀତିନୀତି ରହିଛି। ଏଥିରେ ଅସ୍ୱୀକାର କରାଯାଇ ପାରିବ ନାହିଁ। ତେବେ ସମସ୍ତେ ନିଜ ନିଜର ବିବାହ ଦିନରେ ଖାସ୍ ଦେଖାଯିବାକୁ ଚାହାଁନ୍ତି। ବାହାଘର କଥା ଉଠିଲେ ପ୍ରଥମେ ପୋଷାକ ଏବଂ ମେକଅପ୍ ବିଷୟରେ ଚିନ୍ତା କରିବା ଆରମ୍ଭ କରନ୍ତି ସଭିଏଁ। ଆଜିକାଲି ସୋସିଆଲ ମିଡିଆରେ ଭାଇରାଲ ହେବା ପାଇଁ ଅନେକ ଦମ୍ପତି ନିଜ ବିବାହ ଘରରେ ବହୁ ସ୍ବତନ୍ତ୍ର ଭାବରେ ସାଜସଜ୍ଜା କରୁଥିବାର ଦେଖିବକୁ ମିଳୁଛି।ତେବେ ସମାନ ଧାରା ଅନୁସରଣ କରି, ଜଣେ ଯୁବତୀ ନିଜର ବିବାହରେ ଏକ ଭିନ୍ନ ହେୟାର ଷ୍ଟାଇଲ କରିଥିବା ନଜର ଆସୁଛନ୍ତି। ଯାହା ଏବେ ଭାଇରାଲ ହେବାରେ ଲାଗିଛି। ହେୟାର ଷ୍ଟାଇଲରେ ସେ ଫୁଲ ବଦଳରେ ଚକୋଲେଟ୍ ଏବଂ ଟଫି ଲଗାଇଥିବା ଦେଖିବାକୁ ମିଳିଛି।
ଚକୋଲେଟ୍ ଏବଂ ଟଫିରେ କନ୍ଯାର ହେୟାର ଷ୍ଟାଇଲର ଏକ ଭିଡିଓ ମେକଅପ୍ ଆର୍ଟିଷ୍ଟ ଚିତ୍ରା ସେୟାର କରିଛନ୍ତି। ଅନନ୍ୟ ହେୟାର ଷ୍ଟାଇଲରେ ବିଭିନ୍ନ ବ୍ରାଣ୍ଡର ଚକୋଲେଟ୍ ସଜାଯାଇଛି । ଯାହା ତାଙ୍କ ହଳଦିଆ ଲେହେଙ୍ଗା ସହ ଖୁବ୍ ସୁନ୍ଦର ଦେଖାଯାଉଛି। ଖାଲି ଏହା ନୁହେଁ, ତାଙ୍କ ମଥା-ପାଟି, ମାଙ୍ଗ-ଟିକ୍କା ଏବଂ ହାରରେ ମଧ୍ୟ ଏହି ଚକୋଲେଟ୍ ପ୍ରଦର୍ଶନ କରାଯାଇଥିଲା। ଇନଷ୍ଟାଗ୍ରାମରେ ସେୟାର ହେବା ପରଠାରୁ ଏହି ଭିଡିଓଟି ଦୁଇ ଲକ୍ଷ ଲାଇକ୍ ଏବଂ ଛଅ ଲକ୍ଷ ଭ୍ୟୁ ସଂଗ୍ରହ କରିଛି। ଅନେକ ଲୋକ କହିଥିଲେ ଯେ ବର ଯାତ୍ରୀଙ୍କଠାରୁ ଦୂରରେ ରହିବା ଉଚିତ କାରଣ ସେମାନେ ସମସ୍ତ ଚକୋଲେଟ୍ ଖାଇ ତାଙ୍କ କେଶକୁ ନଷ୍ଟ କରି ଦେଇ ପାରନ୍ତି । ଜଣେ କମେଣ୍ଟରେ ଲେଖିଛନ୍ତି ଯେ, ପିଲାମାନଙ୍କଠାରୁ ସୁରକ୍ଷିତ ରୁହନ୍ତୁ, ନଚେତ୍ ଆପଣ ଅସୁନ୍ଦର ଦେଖାଯିବେ। ଆଉ ଜଣେ ବ୍ୟକ୍ତି ଲେଖିଛନ୍ତି, ଏହା କାହାର ପ୍ରତିଭା ତେଣୁ ଏହାକୁ ସମାଲୋଚନା ନକରିବା ପାଇଁ ଆମେ ପ୍ରଶଂସା କରିବା ଉଚିତ୍। ଅନ୍ୟ ଜଣେ ଉପଭୋକ୍ତା ଲେଖିଛନ୍ତି ଯେ, ଆଜିକାଲି ହେୟାର ଷ୍ଟାଇଲ୍ ଏତେ ମଜାଳିଆ ହୋଇପାରେ।
