ପୁରୀ(ଏଏନଏସ)୦୬/୦୩, ପୁରୀର ବିଭିନ୍ନ ସ୍ଥାନରୁ ବାଇକ୍ ସହିତ ଟିଭି, କମ୍ୟୁଟର ଆଦି ଲୁଟ୍ ଅଭିଯୋଗରେ ଏକ ଲୁଟେରା ଗ୍ୟାଙ୍ଗକୁ ଧରିଛି ତାଳବଣିଆ ଥାନା ପୋଲିସ । ସେମାନଙ୍କ ନିକଟରୁ ବହୁ ସାମଗ୍ରୀ ଜବତ କରିଛି ପୁରୀ ତାଳବଣିଆ ପୋଲିସ ।
ତେବେ ଗିରଫ ହୋଇଥିବା ଅଭିଯୁକ୍ତମାନେ ଖୋର୍ଦ୍ଧା ନିରାଜାରପୁର ମଞ୍ଜରିଆ ପାଟଣାର ମହେଶ୍ୱର ଭୋଇ, ଦଳେଇପୁଟ ଗୁମପାଟଣା ସାହିର ଭୋଳେଶ୍ୱର ବେହେରା , ଭାଲିଆବାଡ଼ିର ହେମନ୍ତ ବେହେରା ଓ ପୁରୀ ଘୋଡ଼ାବଜାର ଅଞ୍ଚଳର ପି. ଚନଡ୍ରେୟା ରେଡ୍ଡିଙ୍କ ସହ ଜଣେ ନାବାଳକ ରହିଥିବା ସୂଚନା ମିଳିଛି । ସେମାନଙ୍କ ଠାରୁ ୭ ଟି ବାଇକ, ଚାରୋଟି ମୋବାଇଲ ଫୋନ, ଦୁଇଟି ଟିଭି ସମେତ କମ୍ପୁଟର ଓ କିଛି ବିଦ୍ୟୁତ ତାର ଜବତ କରିଛି।
ସେହିପରି ଗିରଫ ନାବାଳକ ଏହି ଗ୍ୟାଙ୍ଗର ମାଷ୍ଟରମାଇଣ୍ଡ ହୋଇଥିବା ବେଳେ ହେମନ୍ତ ଓ ଚନଡ୍ରେୟାଙ୍କୁ ଚୋରି ସାମଗ୍ରୀ କିଣିବା ଅଭିଯୋଗରେ ଗିରଫ କରାଯାଇଥିବା ତାଳବଣିଆ ଥାନା ଆଇଆଇସି ସୁଜାତା ବେହେରା ଓ ଅତିରିକ୍ତ ଏସପି ମିହିର କୁମାର ପଣ୍ଡା ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।