କନ୍ଧମାଳ (ଏଏନଏସ) ୦୮/୧୧: ଖଡ଼ିରେ ମହାପ୍ରଭୁଙ୍କ ସବୁଠାରୁ ଛୋଟ ରଥ ତିଆରି କରି ରେକର୍ଡ କଲେ ଓଡିଶା ପୁଅ ଏନ.ପ୍ରତ୍ୟୁଷ । ସେ ସାରା ଓଡିଶା ପାଇଁ ଗର୍ବ ଆଣିଛନ୍ତି ।ସୂଚନା ଅନୁଯାୟୀ କନ୍ଧମାଳ ଜିଲ୍ଲାର ନଦୀଖଣ୍ଡି ସାହିର ପ୍ରତ୍ୟୁଷ କୁମାର ଚୌଧୁରୀ ଖଡି ପଥର ରେ ୧.୯ ସେମି ଉଚ୍ଚ ଓ ୨.୫ ସେମି ଲମ୍ବ ର ଏକ ରଥ ନିର୍ମାଣ କରି ଏସିଆ ବୁକ୍ ଅଫ୍ ରେକର୍ଡସ ଏବଂ ଇଣ୍ଡିଆ ବୁକ୍ ଅଫ୍ ରେକର୍ଡସରେ ସ୍ଥାନ ପାଇଛନ୍ତି ।
ଏହି ରଥ ଆଜି ଏସିଆ ମହାଦେଶ ଓ ଭାରତ ର ସବୁଠାରୁ ଛୋଟ ରଥ ଭାବେ ପ୍ରମାଣିତ ହୋଇଛି । ଏଥି ପାଇଁ ଏସିଆ ବୁକ ଓଫ ରେକର୍ଡ ପକ୍ଷରୁ ତାଙ୍କୁ ଗତ ଅଗଷ୍ଟ ୧୨ ତାରଖରେ ସମ୍ମାନିତ କରାଯାଇଥିଲା । ପ୍ରତ୍ୟୁଷଙ୍କର ଏହି କୃତିତ୍ଵରେ ଜିଲ୍ଲାପାଳ ତାଙ୍କୁ ଶୁଭେଚ୍ଛା ଜଣାଇବା ସହ ପୁରସ୍କୃତ କରିଛନ୍ତି । ପୁଅର ଏହସଫଳତା କୁ ନେଇ ପରିବାରରେ ଖୁସୀର ଲହରୀ ଖେଳିଯାଇଛି । ଏହାସହ ପ୍ରତ୍ୟୁଷ ଆଗକୁ ଲିମିକା ବୁକ ଓଫ ରେକର୍ଡରେ ସ୍ଥାନ ପାଇବାକୁ ସେ ଆଶା ରଖିଛନ୍ତି।
