ଭୁବନେଶ୍ୱର(ଏଏନଏସ)୨୪/୦୨, ଓଲିଉଡ ଅଭିନେତା ପିଣ୍ଟୁନନ୍ଦଙ୍କ ସ୍ୱାସ୍ଥ୍ୟବସ୍ଥା ଏବେ ମଧ୍ୟ ଗୁରୁତର ରହିଛି । ଦିଲ୍ଲୀର ଏକ ବେସରକାରୀ ହସପିଟାଲରେ ଚିକିତ୍ସିତ ହେଉଥିବା ପିଣ୍ଟୁ ନନ୍ଦଙ୍କୁ ହାଇଦ୍ରାବାଦ୍ କିମ୍ବା ଚେନ୍ନାଇ ସ୍ଥାନାନ୍ତର କରାଯିବ । ଲିଭର ସିରୋସିସ୍ରେ ପୀଡ଼ିତ ପିଣ୍ଟୁଙ୍କର ଲିଭର ଟ୍ରାନ୍ସପ୍ଲାଣ୍ଟ ହେବାର ଥିଲା । ତେବେ ଏଥିପାଇଁ କୌଣସି ଡୋନର ମିଳୁ ନାହାନ୍ତି । ତା ସହିତ ଅପରେସନ୍ ପାଇଁ ଅର୍ଥର ଅଭାବ ରହିଛି ବୋଲି ପିଣ୍ଟୁଙ୍କ ଭାଇ ସୂଚନା ଦେଇଛନ୍ତି । ଦୀର୍ଘ ବର୍ଷ ହେବ ଓଡ଼ିଆ ଫିଲ୍ମରେ ସକ୍ରିୟ ଅଛନ୍ତି ପିଣ୍ଟୁ ନନ୍ଦ। କେତେବେଳେ ଖଳନାୟକ ତ ଆଉ କେତେବେଳେ ସହ ନାୟକ ପୁଣି କେବେ ହାସ୍ୟ ଅଭିନେତା ଭାବେ ଦର୍ଶକଙ୍କ ମଧ୍ୟରେ ନିଜର ସ୍ୱତନ୍ତ୍ର ସ୍ଥାନ ବଜାୟ ରଖିଛନ୍ତି। କ୍ୟାରିଅରର ଆରମ୍ଭରେ ଆଲବମ ଗୀତ ଏ ଗଉରା ତାଙ୍କୁ ସର୍ବାଧିକ ଲୋକପ୍ରିୟ କରିଥିଲା।
![You are currently viewing ପିଣ୍ଟୁନନ୍ଦଙ୍କ ସ୍ୱାସ୍ଥ୍ୟବସ୍ଥା ଗୁରୁତର](https://ansodia.in/wp-content/uploads/2023/02/WhatsApp-Image-2023-02-24-at-10.19.18-PM-1.jpeg)
ପିଣ୍ଟୁନନ୍ଦଙ୍କ ସ୍ୱାସ୍ଥ୍ୟବସ୍ଥା ଗୁରୁତର
- Post published:February 24, 2023
- Post category:ଓଡିଶା
- Reading time:1 mins read