ଭୁବନେଶ୍ୱର, ହାଇଦରକୁ ଧରିବା ପାଇଁ ଓଡିଶା ପୋଲିସ ତରଫରୁ ବିଭିନ୍ନ ଜାଗାରେ ଜାଲ ବିଛାଯାଇଥିବାବେଳେ ୧୨୦ ଘଣ୍ଟାର ଅପରେସନ ପରେ ତେଲେଙ୍ଗନାରୁ ଏହି ମୋଷ୍ଟ ୱାଣ୍ଟେଡକୁ ଧରିବାରେ ସଫଳ ହୋଇଛି କମିଶନରେଟ ପୋଲିସ । କୋର୍ଟରେ ହାଜର କରାଯିବା ପରେ ହାଇଦରକୁ ରିମାଣ୍ଡରେ ଅଣାଯିବ ବୋଲି ଗଣମାଧ୍ୟମକୁ ସୂଚନା ଦେଇଚନ୍ତି ସିପି ସୌମେନ୍ଦ୍ର ପ୍ରିୟଦର୍ଶୀ । ଅଧିକ ପଚରାଉଚରା ନିମନ୍ତେ ଏକ ସ୍ୱତନ୍ତ୍ର ଟିମ ଗଠନ କରାଯିବ । କାହା ସହଯୋଗରେ ହାଇଦର ଖସିବାରେ ସଫଳ ହେଲା ସେ ସମ୍ପର୍କରେ ଖୋଳତାଡ କରାଯିବ । ଏସସିବିରେ ଥିବାବେଳେ ଢ଼ିଲା ସୁରକ୍ଷା ବିଷୟରେ ମଧ୍ୟ ତଦନ୍ତ କରାଯିବ ବୋଲି କହିଛନ୍ତି ପୋଲିସ କମିଶନର । ମିଳିଥିବା ସୂଚନା ମୁତାବକ ବିଳମ୍ବିତ ରାତିରେ ତେଳେଙ୍ଗାନା ରାଜ୍ୟର ସିଙ୍ଗାରେଡିରୁ ହାଇଦରକୁ ଗିରଫ କରାଯାଇଥିଲା । ପରେ ସ୍ଥାନୀୟ କୋର୍ଟରେ ହାଜର କରି ଟ୍ରାନଜିଟ ରିମାଣ୍ଡରେ ହାଇଦରକୁ ଓଡିଶା ଅଣାଯାଇଛି ।
![You are currently viewing ଅଧିକ ତଦନ୍ତ ପାଇଁ ହାଇଦରକୁ ରିମାଣ୍ଡରେ ନେବ ପୋଲିସ](https://ansodia.in/wp-content/uploads/2021/04/gang-1618220639.jpg)