ପୁରୀ(ଏଏନଏସ)୨୮.୦୧.୨୦୨୨, ଭକ୍ତଙ୍କ ପାଇଁ ପୁଣି ଥରେ ଖୋଲିପାରେ ଶ୍ରୀମନ୍ଦିର। ପୁରୀ ଶ୍ରୀମନ୍ଦିର ଖୋଲିବା ନେଇ ଆଜି ବସିବ ଛତିଶା ନିଯୋଗ ବୈଠକ । ଅପରାହ୍ଣ ସାଢେ ୪ଟାରେ ଭଚ୍ୟୁଆଲ ମୋଡ଼୍ରେ ମୁଖ୍ୟ ପ୍ରଶାସକ କ୍ରିଷ୍ଣନ କୁମାରଙ୍କ ଅଧ୍ୟକ୍ଷତାରେ ଏହି ବୈଠକ ବସିବ ।ଏଥିରେ ବିଭିନ୍ନ ସେବାୟତ ନିଯୋଗର ସେବାୟତ ପ୍ରତିନିଧି ଓ ପରିଚାଳନା କମିଟି ସଦସ୍ୟ ଉପସ୍ଥିତ ରହିବେ । ଏନେଇ ପୁରୀ ଜିଲ୍ଲାପାଳ ସମର୍ଥ ବର୍ମା ସୂଚନା ଦେଇଛନ୍ତି ।
ରାଜ୍ୟରେ କରୋନା ସଂକ୍ରମଣ ଏବେ ଧୀରେ ଧୀରେ କମୁଛି । ଯଦି ବି ଶ୍ରୀମନ୍ଦିର ଖୋଲେ ତେବେ କୋଭିଡ କଟକଣା ଭିତରେ ଖୋଲାଯିବ ବୋଲି ଅନୁମାନ କରାଯାଉଛି ।
ସୂଚନା ଯୋଗ୍ୟ ଯେ, ୨୦୨୨ ଜାନୁଆରି ୧୦ରୁ ଶ୍ରୀମନ୍ଦିରରେ ଦର୍ଶନ ବନ୍ଦ ରହିଛି । ରାଜ୍ୟରେ କରୋନା ବିସ୍ଫୋରଣ ଘଟିବା ପରେ ଭକ୍ତଙ୍କ ଶ୍ରୀମନ୍ଦିର ପ୍ରବେଶ ବନ୍ଦ ରହିଛି ।
